‘अलवर’प्रकरणी आरोपपत्र दाखल

वृत्तसंस्था, अलवर

अलवर येथे झालेल्या सामूहिक बलात्कारप्रकरणी पोलिसांनी पाच जणांवर आरोपपत्र दाखल केले आहे. २६ एप्रिल रोजी अलवर रोड येथून पतीसह मोटरसायकलवरून जाणाऱ्या महिलेवर बलात्कार करण्यात आला होता. त्यावेळी एका आरोपीने या घटनेचे छायाचित्रण करून ते सोशल मीडियावर व्हायरल केले होते. याप्रकरणी पोलिसांनी २ मे रोजी फिर्याद दाखल केली होती. इंद्रराज गुर्जर, अशोक गुर्जर, छोटेलाल गुर्जर, हंसराज गुर्जर आणि महेश गुर्जर या पाच जणांवर गुन्हा दाखल करण्यात आला होता. पीडित महिलेच्या पतीने पोलिसांनी तक्रार दाखल करून घेण्यास विलंब केल्याचा दावा केल्यानंतर या प्रकरणाच्या तपासाला वेग मिळाला.