ठणठणीत होताच अमित शहांची कॅबिनेट बैठकीला उपस्थिती, शेअर केला फोटो

नवी दिल्लीः केंद्रीय गृहमंत्री अमित शहा मंगळवारी झालेल्या मंत्रिमंडळ बैठकीला उपस्थित होते. अमित शहा यांना सोमवारी एम्समधून डिस्चार्ज देण्यात आला. कॅबिनेट बैठकीला उपस्थिती लावल्याचा फोटो त्यांनी शेअर केला. पंतप्रधान मोदींच्या अध्यक्षतेत केंद्रीय मंत्रिमंडळाची बैठक व्हिडिओ कॉन्फरन्सिंगद्वारे झाली. या बैठकीत माजी राष्ट्रपती प्रणव मुखर्जी यांना श्रद्धांजली वाहण्यात आली.

आपण व्हिडिओ कॉन्फरन्सिंगद्वारे केंद्रीय मंत्रिमंडळाच्या बैठकीत सहभागी झालो. या वेळी माजी राष्ट्रपती प्रणव मुखर्जी यांना श्रद्धांजली वाहण्यात आली, असं अमित शहा यांनी ट्विट करून सांगितलं. अमित शहा यांना सोमवारी एम्समधून सोडण्यात आलं. अमित शहा यांना १८ ऑगस्टला नवी दिल्लीतील एम्समध्ये दाखल करण्यात आलं होतं. एम्सचे संचालक डॉ. रणदीप गुलेरिया यांच्या नेतृत्वातील डॉक्टरांच्या एका पथकाच्या देखरेखीखाली अमित शहांवर उपचार करण्यात येत होता. शहांना ताप आला आणि त्यानंतर त्यांना एम्समध्ये दाखल केलं गेलं.
भारतीय लष्कराचा ब्लॅक टॉपवर ताबा, चिनी सैन्याला दणका देत पाळत ठेवणारी यंत्रणाही हटवली

चीनकडून पुन्हा दगाबाजी, अजित डोवाल यांनी बोलावली महत्त्वाची बैठक

अमित शहांचा करोना चाचणीचा रिपोर्ट २ ऑगस्टला पॉझिटिव्ह आला. यानंतर त्यांना गुरुग्राममधील मेदांता रुग्णालयात दाखल केलं. अमित शहा करोना पॉझिटिव्ह झाल्यानंतर सामान्यांपासून ते दिग्गजांनी त्यांना लवकर बरे होण्यासाठी शुभेच्छा दिल्या. १२ दिवसानंतर म्हणजेच १४ ऑगस्टला अमित शहा करोनामुक्त झाले आणि त्यांचा अहवाल निगेटिव्ह आला.