काँग्रेसच्या जाहीरमान्यावर टीका

नवी दिल्ली : काँग्रेसचा जाहीरनामा म्हणजे थापेबाजी आहे तसेच जनतेचा आणि शूर सैनिकांचा अपमान आहे, अशी टीका भाजपचे राष्ट्रीय अध्यक्ष अमित शहा यांनी केली आहे.

देशद्रोहाचे कलम १२४अ रद्द करण्याने 'भारत माता की जय' या ऐवजी 'भारत तेरे तुकडे होंगे' अशा घोषणा ऐकू येतील, तर सेनादलांना विशेषाधिकार कायद्याचा फेरविचार करण्याने दहशतवादाविरोधातील हत्यारच लष्कराकडून काढून घेतले जाईल, या शब्दांत अमित शहा यांनी काँग्रेसच्या आश्वासनांचा समाचार घेतला.