बिलासाठी ८० वर्षांच्या आजोबांना हॉस्पिटलने बांधून ठेवलं

शाजापूरः मध्य प्रदेशातल्या शाजापूरमधील एक धक्कादायक घटना समोर आली आहे. एका हॉस्पिटलने चक्क ८० वर्षांच्या आजोबांना बांधून ठेवलं. हॉस्पिटलमधील बेडलाच त्यांना बांधण्यात आलं. या घटनेचा फोटोही समोर आला आहे.

८० वर्षाच्या आजोबांचे हात-पाय हॉस्पिटलने कॉटला बांधून ठेवले. उपचाराच्या बिलासाठी हॉस्पिटलने त्यांना बांधून ठेवल्याचा आरोप आहे. माध्यमांमध्ये वृत्त येताच जिल्हाधिकाऱ्यांनी या प्रकरणी चौकशीसाठी पथक रवाना केले आहे. 'या प्रकरणी पोलिसांची चौकशी सुरू आहे. तसंच आम्हीही एक पथक तपासासाठी रवाना केले आहे. या प्रकरणी अहवाल आल्यानंतर त्यानुसार संबंधितांवर कारवाई केली जाईल', असं जिल्हाधिकाऱ्यांनी सांगितलं.

या आजोबांवर कुठले उपचार करण्यात आले आणि त्यांचे किती बिल थकले होते, हे मात्र कळू शकले नाही.

महाराष्ट्रातील तो नरभक्षक वाघ अखेर भोपाळच्या पिंजऱ्यात

करोनाः भारत जगात ५ व्या स्थानावर, स्पेनलाही मागे टाकले