भोपाळ : भारतीय जनता पक्षाच्या नेत्या व गुजरातच्या माजी मुख्यमंत्री आनंदीबेन पटेल यांनी मंगळवारी मध्य प्रदेशच्या राज्यपालपदाची शपथ घेतली. मध्य प्रदेश उच्च न्यायालयाचे मुख्य न्यायमूर्ती हेमंत गुप्ता यांनी त्यांना शपथ दिली. राज भवन येथे हा कार्यक्रम झाला. लोकसभेच्या अध्यक्षा सुमित्रा महाजन, मध्य प्रदेशचे मुख्यमंत्री शिवराजसिंह चौहान, तसेच भाजपचे अनेक नेते व मंत्री या कार्यक्रमाला उपस्थित होते. मध्य प्रदेशच्या राज्यपालपदावरून रामनरेश यादव हे सप्टेंबर २०१६मध्ये निवृत्त झाले होते. यानंतर गुजरातचे राज्यपाल ओमप्रकाश कोहली यांच्यावर या पदाचा अतिरिक्त कार्यभार सोपविण्यात आला होता.
आनंदीबेन पटेल यांनी घेतली राज्यपालपदाची शपथ
भारतीय जनता पक्षाच्या नेत्या व गुजरातच्या माजी मुख्यमंत्री आनंदीबेन पटेल यांनी मंगळवारी मध्य प्रदेशच्या राज्यपालपदाची शपथ घेतली. मध्य प्रदेश उच्च न्यायालयाचे मुख्य न्यायमूर्ती हेमंत गुप्ता यांनी त्यांना शपथ दिली. राज भवन येथे हा कार्यक्रम झाला.
Maharashtra Times 24 Jan 2018, 1:43 am