andhra pradesh : आंध्र प्रेदशात मिनी बसला भीषण अपघात; १४ ठार तर ४ मुलं वाचली

कुर्नूल: रविवारी पहाटे आंध्र प्रदेशमधील कुर्नूल येथे भीषण अपघात झाला. या अपघाता एकूण १४ जण ठार झाले आणि ४ जण गंभीर जखमी झाले. येथील राष्ट्रीय महामार्ग ४४ वर सकाळी बस आणि ट्रकची धडक झाली. ही घटना कुर्नूल जिल्ह्यातील वेलदूर्ती भागातील मदारपूर गावात घडली.

या अपघातात ठार झालेल्यांमध्ये ८ महिला, ५ पुरुष आणि १ मुलाचा समावेश आहे. हे सर्व जण तीर्थयात्रेवर होते. चालकाचा मिनी बसवरील ताबा सुटल्याने ती दुभाजकाला जाऊन धडकून रस्त्याच्या दुसऱ्या बाजूने येणाऱ्या ट्रकला धडकली. सर्व जखमींना शासकीय रुग्णालयात दाखल करण्यात आले आहे, असं वृत्त एएनआयने दिलं आहे.

मिनी बसमध्ये एकूण १८ प्रवासी होते. वाहन चालकाचाही या भीषण अपघातात मृत्यू झाला आहे. कुर्नूलपासून सुमारे २५ किलोमीटर अंतरावर असलेल्या मदापुरम येथे पहाटे ४ वाजेच्या सुमारास हा अपघात झाला, अशी माहिती कुर्नूलच्या पोलिस अधीक्षकांनी दिली.

हे सर्व जण चित्तूर जिल्ह्यातील मदनपल्ले येथून राजस्थानमधील अजमेरला निघाले होते. हा अपघात इतका गंभीर होता की प्रवाशांचे मृतदेह गाडीच्या आत दाबले गेले होते आणि मशिनच्या मदतीने मृतदेह काढण्यात आले.

'जैश'कडून एनएसए डोवाल यांच्या कार्यालयाची रेकी, सुरक्षेत वाढ

Doomsday Man : राहुलना म्हटलं 'डूम्सडे मॅन', अर्थमंत्र्यांविरुद्ध विशेषाधिकार हनन नोटीस

सुदैवाने, या अपघातातून ४ मुलं वाचली आहेत. पण त्यातील दोन मुलांची प्रकृती गंभीर आहे. त्याला धक्का बसला आहे. यामुळे ते काहीही बोलण्याच्या स्थितीत नाहीत. आधार कार्ड आणि फोन नंबरच्या आधारे पोलिस प्रवाशांची माहिती गोळा करत आहेत.