'घुमर'मुळे मुलायम यांची सून वादात

मटा ऑनलाइन वृत्त । लखनऊ

पद्मावती चित्रपटाच्या विरोधात आंदोलन सुरू असताना आणखी एक नवा वाद उत्तर प्रदेशमध्ये निर्माण झाला आहे. समाजवादी पक्षाचे नेते मुलायम सिंह यादव यांची सून अर्पणा सिंह यांनी 'घुमर' गाण्यावर नृत्य केल्याने वाद निर्माण झाला आहे.

अपर्णा यादव यांचे बंधू अमन बिष्ट यांचा साखरपुडा एका पंचतारांकित हॉटेलमध्ये पार पडला. त्यावेळी अपर्णा सिंह यांनी 'घुमर' गीतावर नृत्य केले. हा व्हिडीओ सोशल मीडियावर व्हायरल झाल्यानंतर अपर्णा यांच्यावर टीकेची झोड उठवण्यात येत आहे. काहींनी त्यांना धमकी दिल्याचे उघडकीस आले आहे. अपर्णा यांनी राजपूत समुदायाला डिवचण्याचे काम केले असल्याचे मत राजपूत संघटनांनी व्यक्त केले आहे. तर, या गाण्यावर नृत्य करून अपर्णा यादव यांनी राजपूत समुदायाच्या भावनांना धक्का लावला असल्याचे मत व्यक्त काहींनी व्यक्त केले. पद्मावती चित्रपटात दीपिका पदुकोणने 'घुमर' गाण्यावर नृत्य केले आहे. राजपूत समुदायाच्या संघटनांना या गाण्यावरही आक्षेप आहे. राजपूत राणी नृत्य करत नसल्याचा संघटनांचा दावा आहे.