लैंगिक छळप्रकरणी मेजर जनरल निलंबित

नवी दिल्ली: आसाम रायफल्सच्या एका मेजर जनरलला लैंगिक छळप्रकरणी निलंबित करण्यात आलं आहे. त्याला कोणत्याही प्रकारचे निवृत्ती वेतन न देण्याचा निर्णयही घेण्यात आला आहे. लष्कर प्रमुख बिपीन रावत यांनी ही कारवाई केली.

२०१६मध्ये नागालँडमध्ये कार्यरत असताना या मेजर जनरल विरोधात लैंगिक छळाची तक्रार करण्यात आली होती. डिसेंबरमध्ये त्याचं कोर्ट मार्शल झालं होतं. त्यानंतर जुलैमध्ये लष्कर प्रमुख बिपीन रावत यांनी या मेजर जनरलच्या निलंबनाचे आदेश दिले होते. त्यानंतर त्याच्यावर कारवाई करण्यात आली असून या कारवाईला लष्कराने दुजोरा दिला आहे.