आग्रा : जम्मू-काश्मीरमधून कलम ३७० हटवण्यात आल्यानंतर सुरक्षा यंत्रणांनी आवश्यक पावले उचलायला सुरुवात केली असून आज काश्मीर खोऱ्यातून ७० कैद्यांना आग्रा येथे हलवण्यात आले आहे. यात बहुतांश दहशतवादी असून काही फुटीरतावाद्यांचाही समावेश असल्याचे सूत्रांनी सांगितले.
कडेकोट बंदोबस्तात दहशतवादी व फुटीरतावाद्यांना हवाईदलाच्या विशेष विमानाने काश्मीरमधून आग्रा येथे आणण्यात आले आहे. यात कैदेत असलेले दहशतवादी व पाकसमर्थक फुटीरतावादी असल्याचे सूत्रांचे म्हणणे आहे. काश्मीर खोऱ्यातील विविध भागांतील दहशतवादी कारवाया तसेच बेकायदेशीर कृत्यात सहभाग असल्याच्या आरोपाखाली अटकेत असलेले हे कैदी आहेत.
आग्रा विमानतळावरून या कैद्यांना पोलीस व्हॅनमधून नेण्यात आले. या व्हॅनच्या खिडक्या बाहेरून कपडा लावून झाकण्यात आल्या होत्या. कारागृहापर्यंत रस्त्यावर दुतर्फा मोठ्या प्रमाणात पोलीस फौजफाटा तैनात होता. मध्यवर्ती कारागृहात उच्चसुरक्षा असलेल्या बराकीत या सर्वांना ठेवण्यात येणार आहे. कारागृहाबाहेरही बंदोबस्त वाढवण्यात आला आहे.
दरम्यान, काश्मीरमधून आणखी काही कैद्यांची अन्य राज्यांतील कारागृहांत रवानगी करण्यात येणार असून संबंधित राज्यांशी केंद्राने संपर्क साधला असल्याचे कळते.
कडेकोट बंदोबस्तात दहशतवादी व फुटीरतावाद्यांना हवाईदलाच्या विशेष विमानाने काश्मीरमधून आग्रा येथे आणण्यात आले आहे. यात कैदेत असलेले दहशतवादी व पाकसमर्थक फुटीरतावादी असल्याचे सूत्रांचे म्हणणे आहे. काश्मीर खोऱ्यातील विविध भागांतील दहशतवादी कारवाया तसेच बेकायदेशीर कृत्यात सहभाग असल्याच्या आरोपाखाली अटकेत असलेले हे कैदी आहेत.
आग्रा विमानतळावरून या कैद्यांना पोलीस व्हॅनमधून नेण्यात आले. या व्हॅनच्या खिडक्या बाहेरून कपडा लावून झाकण्यात आल्या होत्या. कारागृहापर्यंत रस्त्यावर दुतर्फा मोठ्या प्रमाणात पोलीस फौजफाटा तैनात होता. मध्यवर्ती कारागृहात उच्चसुरक्षा असलेल्या बराकीत या सर्वांना ठेवण्यात येणार आहे. कारागृहाबाहेरही बंदोबस्त वाढवण्यात आला आहे.
दरम्यान, काश्मीरमधून आणखी काही कैद्यांची अन्य राज्यांतील कारागृहांत रवानगी करण्यात येणार असून संबंधित राज्यांशी केंद्राने संपर्क साधला असल्याचे कळते.