मटा ऑनलाइन वृत्त । नवी दिल्ली
अध्यात्मिक गुरू श्री श्री रवीशंकर यांच्या पुढाकारानं यमुना नदीच्या काठी होणाऱ्या व पर्यावरणाच्या मुद्द्यावरून वादात सापडलेल्या विश्व संस्कृती महोत्सवाला राष्ट्रीय हरित लवादानं (एनजीटी) आज परवानगी दिली. मात्र, महोत्सवामुळं होणाऱ्या जलप्रदूषणाची भरपाई म्हणून रवीशंकर यांच्या 'आर्ट ऑफ लिव्हिंग फाउंडेशन'ला तब्बल ५ कोटींचा दंडही ठोठावला.
जगातील सर्व धर्मांच्या प्रतिनिधींचा सहभाग असलेला विश्व संस्कृती महोत्सव ११ ते १३ मार्च दरम्यान होणार आहे. पर्यावरणीयदृष्ट्या संवेदनशील असलेल्या यमुना नदीकाठच्या मैदानावर हा महोत्सव होणार असल्यानं पर्यावरणवादी संघटनांनी त्यास आक्षेप घेऊन हरित लवादाकडं धाव घेतली होती. त्यावर आज सुनावणी झाली. 'तक्रारदारांनी तक्रार करण्यास उशीर केला आहे. महोत्सवाचं काम खूप पुढं गेलं आहे. त्यामुळं आता ते थांबवणं योग्य होणार नाही,' असं सांगत लवादानं महोत्सवाला परवानगी दिली. मात्र, नुकसानभरपाई म्हणून आयोजकांना ५ कोटींचा दंड ठोठावला. त्याचबरोबर, दिल्ली प्रदूषण नियंत्रण समितीला १ लाख, तर दिल्ली विकास प्राधिकरणालाही (डीडीए) ५ लाखांच्या दंडाचा दणका दिला.
विश्व संस्कृती महोत्सवामुळं पर्यावरणाची नेमकी कशी व किती हानी होणार आहे याचा आढावा घेण्यासाठी लवादानं एक समिती स्थापन केली आहे. या समितीच्या अहवालाच्या आधारे दंडाची रक्कम वाढविली जाईल, असंही लवादानं स्पष्ट केलं.
अध्यात्मिक गुरू श्री श्री रवीशंकर यांच्या पुढाकारानं यमुना नदीच्या काठी होणाऱ्या व पर्यावरणाच्या मुद्द्यावरून वादात सापडलेल्या विश्व संस्कृती महोत्सवाला राष्ट्रीय हरित लवादानं (एनजीटी) आज परवानगी दिली. मात्र, महोत्सवामुळं होणाऱ्या जलप्रदूषणाची भरपाई म्हणून रवीशंकर यांच्या 'आर्ट ऑफ लिव्हिंग फाउंडेशन'ला तब्बल ५ कोटींचा दंडही ठोठावला.
जगातील सर्व धर्मांच्या प्रतिनिधींचा सहभाग असलेला विश्व संस्कृती महोत्सव ११ ते १३ मार्च दरम्यान होणार आहे. पर्यावरणीयदृष्ट्या संवेदनशील असलेल्या यमुना नदीकाठच्या मैदानावर हा महोत्सव होणार असल्यानं पर्यावरणवादी संघटनांनी त्यास आक्षेप घेऊन हरित लवादाकडं धाव घेतली होती. त्यावर आज सुनावणी झाली. 'तक्रारदारांनी तक्रार करण्यास उशीर केला आहे. महोत्सवाचं काम खूप पुढं गेलं आहे. त्यामुळं आता ते थांबवणं योग्य होणार नाही,' असं सांगत लवादानं महोत्सवाला परवानगी दिली. मात्र, नुकसानभरपाई म्हणून आयोजकांना ५ कोटींचा दंड ठोठावला. त्याचबरोबर, दिल्ली प्रदूषण नियंत्रण समितीला १ लाख, तर दिल्ली विकास प्राधिकरणालाही (डीडीए) ५ लाखांच्या दंडाचा दणका दिला.
विश्व संस्कृती महोत्सवामुळं पर्यावरणाची नेमकी कशी व किती हानी होणार आहे याचा आढावा घेण्यासाठी लवादानं एक समिती स्थापन केली आहे. या समितीच्या अहवालाच्या आधारे दंडाची रक्कम वाढविली जाईल, असंही लवादानं स्पष्ट केलं.