अरुण जेटली किडनीच्या विकाराने त्रस्त

नवी दिल्ली: केंद्रीय अर्थमंत्री अरुण जेटली किडनीच्या विकाराने त्रस्त असून लवकरच त्यांचे ऑपरेशन होणार आहे. त्यामुळे त्यांनी पुढील महिन्यातील लंडनचा दौराही रद्द केला आहे. प्रकृती अस्वस्थतेमुळे काही दिवस ते घरूनच त्यांच्या खात्याचं काम पाहणार आहेत.

किडनीच्या विकार बळावला असला तरी अरुण जेटली यांना अद्याप रुग्णालयात दाखल करण्यात आलेले नाही. संसर्गापासून बचाव करण्यासाठी त्यांना सार्वजनिक ठिकाणी जाण्या-येण्यास मनाई करण्यात आली आहे. त्यामुळे सोमवार पासून ते त्यांच्या कार्यालयातही जाऊ शकले नाहीत. विशेष म्हणजे राज्यसभेवर त्यांची दुसऱ्यांदा निवड झालेली असतानाही प्रकृती अस्वस्थतेमुळे त्यांनी अद्यापपर्यंत राज्यसभा सदस्यत्वाची शपथ घेतलेली नाही. प्रकृती ठिक नसल्याने केवळ लंडनचा दौराच नव्हे तर त्यांनी अनेक सार्वजनिक कार्यक्रम आणि बैठका रद्द केल्या आहेत. गेल्या आठवड्यात त्यांचे दोन कार्यक्रम होते, त्या कार्यक्रमालाही ते उपस्थित राहिले नव्हते.