आसाममध्ये झाले ५९५ अर्ज दाखल

गुवाहाटी : राज्यात ११ एप्रिल रोजी होणाऱ्या विधानसभा निवडणुकीसाठी आतापर्यंत ५९५ इच्छुकांनी निवडणूक अर्ज दाखल केले आहेत. त्यात काँग्रेसचे नेते नीलमणी सेन देका, रकिबुल हुसेन आणि चंदन सरकार हे प्रमुख आहेत.

बुधवारी ६१ मतदारसंघांत ३८० जणांनी अर्ज दाखल केल्याची माहिती निवडणूक आयोगाच्या प्रवक्त्यांनी दिली. बुधवारी अर्ज दाखल करण्याचा शेवटचा दिवस होता. अर्जांची छाननी गुरुवारी (२४ मार्च) होणार असून, अर्ज मागे घेण्याची मुदत २६पर्यंत आहे. पहिल्या टप्प्यात ४ एप्रिलला ६५ मतदारसंघांत मतदान होणार असून, त्यासाठी ५६१ उमेदवार रिंगणात आहेत.