प्राध्यापिकेच्या बिकिनीचा विरोध पडला महागात; विद्यापीठाला आली ९९ कोटींची नोटीस

कोलकाता: इंस्टाग्रामवर बिकिनीमधील फोटो शेअर केल्याबद्दल एका महिला सहाय्यक प्रोफेसरवर विद्यापीठाने हकालपट्टीची कारवाई केली. त्यानंतर जे झाले त्याचा विचार विद्यापीठाने कधीच केला नसेल. संबंधिक प्राध्यापिकने विद्यापीठावर ९९ कोटी रुपयांच्या मानहानीची नोटीस बजावली आहे. ही घटना कोलकाता येथील सेंट झेवियर्स विद्यापीठातील आहे.

सेंट झेवियर्स विद्यापीठातील सहाय्यक प्राध्यापिकेला ऑक्टोबर २०२१ मध्ये इंस्टाग्रामवर बिकिनीतील फोटो टाकल्याबद्दल राजीनामा देण्यास भाग पाडण्यात आले होते. राजीनामा देण्यास भाग पाडल्याबद्दल संबंधिक प्राध्यापिकेने ९९ कोटींचा दावा दाखल केलाय.

वाचा-करोना अलर्ट: दिल्लीत मास्क सक्ती तर मुंबईत इतके रुग्ण आढळले

काय आहे प्रकरण
प्राध्यापिकेने इंस्टाग्रामवर फोटो शेअर केल्यानंतर विद्यापीठातील पदवीच्या विद्यार्थ्यांच्या पालकांनी याची तक्रार केली होती. एका पालकाने म्हटले होते की, एक शिक्षक अशा प्रकारे सोशल मीडियावर फोटो अपलोड करत असेल तर ते माझ्यासाठी लाजिरवाणे आहे. कारण माझ्या मुलाला अशा गोष्टीपासून दूर ठेवण्याचा माझा प्रयत्न असेल. त्यानंतर विद्यापीठ प्रशासनाने त्यांना बोलवून घेतले आणि राजीनामा देण्यास सांगितले. विद्यापीठाच्या मते त्यांनी इंस्टाग्रामवर टाकलेली पोस्ट आक्षेपार्ह होती.

वाचा- इतका मोठा धोका तोही थेट पाकिस्तानविरुद्ध; भारतीय संघाने आशिया कपसाठी पाहा काय केले

पालकांच्या तक्रारीनंतर विद्यापीठाने एक समिती नियुक्त केली, ज्यात रजिस्ट्रार, कुलपती फादर फेलिक्स राज यांचा समावेश होता. या समितीने त्यांना राजीनामा देण्यास भाग पाडले. अखेर दबावाखाली त्यांनी ऑक्टोबर २०२१ मध्ये राजीनामा दिला.

संबंधित प्राध्यापिकेने दिलेल्या माहितीनुसार, फोटो शेअरिंग अॅपवर मी एक स्टोरी पोस्ट केली होती. ही पोस्ट नव्हती. १३ जून रोजी मी स्टोरी पोस्ट केली होती. ही गोष्ट विद्यापीठात नोकरी सुरू करण्याच्या आधीची आहे. माझे अकाउंट खासगी आहे. त्यामुळे मला जाणून घ्यायचे आहे की माझा फोटो कसा काय इतरांनी पाहिला. या विरोधात मी कोलकाता उच्च न्यायालयात जाणार असल्याचे त्यांनी सांगितले.