सीमेवर एकाच खड्ड्यात सापडली ८ पोती, उघडताच BSF जवान हादरले

मालदा : बीएसएफने पश्चिम बंगालमधील मालदा जिल्ह्यात भारत-बांगलादेश आंतरराष्ट्रीय सीमेजवळ असं काही सापडलं आहे की सगळेच हादरले. बॉर्डर आउट पोस्ट सुखदेवपूर इथे तैनात दक्षिण बंगाल फ्रंटियर अंतर्गत ७० व्या कोरच्या जवानांनी शुक्रवारी रात्री उशिरा ही कारवाई करण्यात आली.

बीएसएफला सूत्रांकडून मिळालेल्या माहितीच्या आधारे, बॉर्डर पोस्ट सुखदेवपूरच्या परिसरात, जवानांनी १० ते १२ संशयित तस्करांना फिरताना पाहिलं. अशात झुडपांचा आधार घेऊन तस्करांनी पलायन केलं. नंतर झडतीदरम्यान जवानांना तारबंदीजवळील खड्ड्यात ८ पोती आढळली. बीएसएफने सांगितले की, जप्त केलेले फोन अनेक कंपन्यांचे आहेत, ज्यांची किंमत अंदाजे ३९.२९ लाख रुपये आहे.

खोलीत तरुण-तरुणी, मोबाईलमध्ये सापडले धक्कादायक फोटो; मसाज पार्लरमध्ये जाताच पोलिसही हादरले
बीएसएफकडून भारतीय तस्करांवर गुन्हा दाखल...

बीएसएफच्या गुप्तचर विभागाने दिलेल्या माहितीनुसार, तस्करीत सहभागी असलेल्या अनेक भारतीय तस्करांची नावे समोर आली आहेत. या सर्व तस्करांविरुद्ध बैष्णबनगर पोलीस ठाण्यात एफआयआर दाखल करण्यात आला असून जप्त केलेले मोबाईल पुढील कायदेशीर कारवाईसाठी पोलीस ठाण्यात जमा करण्यात आले आहेत.

भारत-बांगलादेश सीमेवर तस्करी रोखण्यासाठी सीमा सुरक्षा दल कठोर पावलं उचलत आहे. ज्यांना कायद्यानुसार शिक्षाही होणार असल्याची माहिती कमांडिंग ऑफिसरांनी दिली.

अमित शहांच्या सुरक्षेत मोठी चूक; ताफ्यासमोर टीआरएस नेत्यानं कार आडवी लावली
मार्च महिन्यात ७३ मोबाईल केले होते जप्त...

दक्षिण बंगाल फ्रंटियरच्या बीएसएफ जवानांनी या वर्षी मार्चमध्ये मालदा जिल्ह्यात भारत-बांगलादेश आंतरराष्ट्रीय सीमेजवळ ७३ मोबाईल फोन जप्त केले होते. ही घटना दलाच्या मालदा सेक्टर अंतर्गत ७० व्या बटालियनची सीमा चौकी एमएसपूर भागात घडली होती. जप्त केलेल्या मोबाईलची अंदाजे किंमत सुमारे ७ लाख ८७ हजार एवढी आहे.