PHOTO : अशी असेल अयोध्येतील भव्य 'धन्नीपूर मशीद'

अथर हुसेन यांच्या म्हणण्यानुसार, या मशिदीला धन्नीपूर मशीद (Dhannipur Mosque) असं नाव देण्यात आलंय. मशिदीच्या परिसरात सुपर स्पेशालिटी हॉस्पिटल, सांस्कृतिक संशोधन केंद्र, ग्रंथालय आणि स्वयंपाकघराचं देखील निर्माण केलं जाणार आहे. मशिद परिसराचं डिझाइन पूर्ण झाल्यानंतर त्यासाठी परवानग्या मिळवण्याची प्रक्रिया सुरू केली जाईल. येत्या वर्षी २६ जानेवारी (प्रजासत्ताक दिन) किंवा १५ ऑगस्ट (स्वातंत्र्य दिन) रोजी बांधकामाच्या पायाभरणीचा सोहळा करण्याचा समितीचा प्रयत्न आहे.

अतर हुसेन यांनी दिलेल्या माहितीनुसार, आधुनिक डिझाइनच्या या मशिदीत बाबरी रचनेचं कोणतीही साम्य आढळणार नाही. धन्नीपूर गावचे गाव प्रमुख राकेशकुमार यादव यांच्या म्हणण्यानुसार, हा भाग लवकरच एक मोठं धार्मिक पर्यटन स्थळ म्हणून पुढे येणार आहे. यामुळे या परिसराचा विकास होण्यासही मदत होईल, अशी आशाही त्यांनी व्यक्त केली.

'मशीद परिसरात उभारण्यात येणारं रुग्णालय हे केवळ सिमेंट - विटेचं बांधकाम नसेल तर मशिदीच्या वास्तुकलेनुसार त्याची रुपरेषा असेल. यामध्ये ३०० बेडचं स्पेशलिटी युनिट असेल. इथे डॉक्टर आजारी लोकांवर विनामूल्य उपचार करतील, असं आर्किटेक्ट प्रोफेसर अख्तर यांनी म्हटलंय.