Shabnam Mercy Petition : शबनमची फाशीची शिक्षा माफ केली जावी, अयोध्येतील संताची मागणी
Mercy Petition Of Shabnam : 'हिंदू शास्त्रांनुसार महिलेचं स्थान पुरुषांहून खूप उच्च असतं. एका महिलेला मृत्यूदंडाची शिक्षा देऊन समाजाचं भलं होणार नाही' असं म्हणत महंत परमहंस दास यांनी राष्ट्रपतींकडे शबनमची फाशीची शिक्षा माफ करण्याची मागणी केलीय.
महाराष्ट्र टाइम्स.कॉम 22 Feb 2021, 9:13 am
हायलाइट्स:
- स्वातंत्र्योत्तर काळात फाशी दिली जाणारी शबनम ठरणार देशातील पहिली महिला?
- 'एक महिला असल्यानं शबनमचे अपराध माफ केले जावेत'
- शबनम जुलै २०१९ पासून रामपूर तुरुंगात बंद
अयोध्या : शबनमची फाशीची शिक्षा माफ केली जावी, अशी मागणी अयोध्येतील तपस्वी छावनीचे महंत परमहंस दास यांनी राष्ट्रपती रामनाथ कोविंद यांच्याकडे केलीय. शबनमला फाशी दिली गेली तर स्वातंत्र्योत्तर काळात एखाद्या महिलेला फाशी देण्याची ही पहिलीच वेळ ठरणार आहे. महंत परमहंस दास यांनी 'टाईम्स ऑफ इंडिया'शी बोलताना राष्ट्रपतींकडे ही मागणी केलीय. 'हिंदू शास्त्रांनुसार महिलेचं स्थान पुरुषांहून खूप उच्च असतं. एका महिलेला मृत्यूदंडाची शिक्षा देऊन समाजाचं भलं होणार नाही. तर यामुळे दुर्दैव आणि आपत्तींना आमंत्रण धाडलं जाईल. शबनम हिचे अपराध क्षमायोग्य नाही परंतु, एक महिला असल्यानं तिचे अपराध माफ केले जावेत' असं महंत परमहंस दास यांनी म्हटलंय.
'हिंदू धर्माचा गुरु म्हणून मी राष्ट्रपतींकडे ही मागणी करतोय की शबनम हिची दया याचिका स्वीकार केली जावी. तुरुंगात आपल्या गुन्ह्यासाठी तीनं प्रायश्चित्त घेतलं आहे. तिला फाशीची शिक्षा दिली गेली तर हा इतिहासातील अत्यंत दुर्दैवी क्षण ठरेल. आपलं संविधान राष्ट्रपतींना अनन्य साधारण शक्ती प्रदान करतं. या शक्तीचा वापर करत राष्ट्रपतींनी शबनम हिची दया याचिका स्वीकार करावी' असंही परमहंस यांनी म्हटलंय.
उत्तर प्रदेशच्या अमरोहा जिल्ह्यातील बाबनखेडी गावात १४-१५ एप्रिल २००८ रोजी रात्री उशिरा आपल्या प्रियकरासोबत मिळून आपल्या कुटुंबातील साद सदस्यांची निर्घृण हत्या करणाऱ्या शबनम आणि तिचा प्रियकर सलीम यांना फाशी दिली जाणार आहे. शबनम जुलै २०१९ पासून रामपूर तुरुंगात बंद आहे.
'हिंदू धर्माचा गुरु म्हणून मी राष्ट्रपतींकडे ही मागणी करतोय की शबनम हिची दया याचिका स्वीकार केली जावी. तुरुंगात आपल्या गुन्ह्यासाठी तीनं प्रायश्चित्त घेतलं आहे. तिला फाशीची शिक्षा दिली गेली तर हा इतिहासातील अत्यंत दुर्दैवी क्षण ठरेल. आपलं संविधान राष्ट्रपतींना अनन्य साधारण शक्ती प्रदान करतं. या शक्तीचा वापर करत राष्ट्रपतींनी शबनम हिची दया याचिका स्वीकार करावी' असंही परमहंस यांनी म्हटलंय.
उत्तर प्रदेशच्या अमरोहा जिल्ह्यातील बाबनखेडी गावात १४-१५ एप्रिल २००८ रोजी रात्री उशिरा आपल्या प्रियकरासोबत मिळून आपल्या कुटुंबातील साद सदस्यांची निर्घृण हत्या करणाऱ्या शबनम आणि तिचा प्रियकर सलीम यांना फाशी दिली जाणार आहे. शबनम जुलै २०१९ पासून रामपूर तुरुंगात बंद आहे.