बाबरी कांड: आडवाणी, जोशींना जामीन

मटा ऑनलाइन वृत्त । लखनऊ

अयोध्येतील बाबरी मशीद पतनप्रकरणी भाजपचे ज्येष्ठ नेते लालकृष्ण आडवाणी, मुरलीमनोहर जोशी व विद्यमान केंद्रीय मंत्री उमा भारती यांना आज दिलासा मिळाला. सीबीआयच्या विशेष न्यायालयानं या तिघांसह एकूण १२ आरोपींना ५० हजार रुपयांच्या वैयक्तिक जातमुचलक्यासह जामीन मंजूर केला.

बाबरी मशिदीचं वादग्रस्त बांधकाम पाडून टाकण्यासाठी कट रचल्याचा तसंच, जमावाला चिथावणी दिल्याचा आरोप या सर्वांवर होता. ६ डिसेंबर १९९२ रोजी बाबरी मशीद पाडल्यानंतर दाखल करण्यात आलेल्या एफआरमध्ये त्यांची नावं होती. सीबीआय न्यायालयानं २००१मध्ये कटाच्या आरोपातून आडवाणींसह इतरांची नावं वगळली होती. अलाहाबाद उच्च न्यायालयानं २०१०मध्ये त्या निकालावर शिक्कामोर्तब केलं होतं. मात्र, गेल्याच महिन्यात सर्वोच्च न्यायालयानं हा खटला नव्यानं सुरू करून सर्व आरोपींवर आरोप निश्चित करण्याचे निर्देश सीबीआयच्या विशेष न्यायालयाला दिले होते.
We have submitted discharge application, if Court rejects it, then charges will be framed: Prashant Atal, lawyer of accused #Babri pic.twitter.com/ESlVj7PJbX — ANI UP (@ANINewsUP) May 30, 2017 सीबीआय न्यायालयानं सर्व आरोपींना आज स्वत: हजर राहण्याचे आदेश दिले होते. त्यानुसार सर्वजण न्यायालयात हजर होते. मात्र, बाबरी विध्वंसमध्ये आपली कोणतीही भूमिका नसल्याचं सांगत आरोपींनी डिस्चार्ज अर्ज सादर केला. त्यामुळं न्यायालयानं या प्रकरणाचा निर्णय राखून ठेवत त्यांना जामीन मंजूर केला. आरोपींचा डिस्चार्ज अर्ज फेटाळला गेल्यास त्यांच्यावर आरोप निश्चित केले जाणार आहेत.