मटा ऑनलाइन वृत्त। नवी दिल्ली
'ताजमहालासमोर होणारे नमाज पठण बंद करण्यात यावे' अशी मागणी आरएसएसचे अखिल भारतीय इतिहास संकलन समितीचे बालमुकुंद पांडे यांनी केली आहे. ताजमहालात नमाज अदा करण्यावर बंदी आणली जात नसेल तर मग हिंदूंना शिवपूजा करण्याची परवानगी द्यावी अशी मागणी पांडे यांनी केली आहे. भाजप नेत्यांच्या वक्तव्यामुळे निर्माण झालेला ताजमहालाबाबतच्या वादात आता आरएसएसनेही उडी घेतली असून हा वाद चिघळण्याची चिन्हे दिसू लागली आहेत.
जगातील सात आश्चर्यांपैकी एक असलेला ताजमहाल हा राष्ट्रीय वारसा आहे. असे असताना ताजमहालाचा मुस्लिमांसाठी एका धार्मिक स्थळाप्रमाणे का उपयोग केला जात आहे असा सवाल पांडे यांनी उपस्थित केला आहे. जर यापुढच्या काळात ताजमहालात नमाज अदा केली जाणार असेल तर हिंदूंना देखील शिवपूजेची परवानगी मिळायला हवी. या प्रकरणात हिंदू-मुस्लीम असा भेदभाव करु नये असेही ते म्हणाले.
विविध हिंदू संघटना आणि भाजपच्या अनेक नेत्यांनी आतपर्यंत ताजमहाल हे शिवमंदिर असल्याचे म्हटले आहे. भाजपचे यूपीतील आमदार संगीत सोम यांच्या वादग्रस्त वक्तव्यानंतर संपूर्ण देशात ताजमहालावर चर्चा सुरू झाली. त्याच्यानंतर आजम खान, असदुद्दीन ओवेसी, योगी आदित्यनाथ आणि पंतप्रधान मोदी यांनी या वादावर आपल्या प्रतिक्रिया दिल्या आहेत. एक दिवसापूर्वीत उत्तर प्रदेशचे मुख्यमंत्री योगी आदित्यनाथ यांनी ताजमहालाचा दौरा करत तिथे स्वच्छता अभियानाची सुरुवात केली आहे. त्यानंतर हा वाद शमेल असे वाटत असतानाच आरएसएसने या वादात उडी घेतल्याने तो चिघळण्याची चिन्हे निर्माण झाली आहेत.
'ताजमहालासमोर होणारे नमाज पठण बंद करण्यात यावे' अशी मागणी आरएसएसचे अखिल भारतीय इतिहास संकलन समितीचे बालमुकुंद पांडे यांनी केली आहे. ताजमहालात नमाज अदा करण्यावर बंदी आणली जात नसेल तर मग हिंदूंना शिवपूजा करण्याची परवानगी द्यावी अशी मागणी पांडे यांनी केली आहे. भाजप नेत्यांच्या वक्तव्यामुळे निर्माण झालेला ताजमहालाबाबतच्या वादात आता आरएसएसनेही उडी घेतली असून हा वाद चिघळण्याची चिन्हे दिसू लागली आहेत.
जगातील सात आश्चर्यांपैकी एक असलेला ताजमहाल हा राष्ट्रीय वारसा आहे. असे असताना ताजमहालाचा मुस्लिमांसाठी एका धार्मिक स्थळाप्रमाणे का उपयोग केला जात आहे असा सवाल पांडे यांनी उपस्थित केला आहे. जर यापुढच्या काळात ताजमहालात नमाज अदा केली जाणार असेल तर हिंदूंना देखील शिवपूजेची परवानगी मिळायला हवी. या प्रकरणात हिंदू-मुस्लीम असा भेदभाव करु नये असेही ते म्हणाले.
विविध हिंदू संघटना आणि भाजपच्या अनेक नेत्यांनी आतपर्यंत ताजमहाल हे शिवमंदिर असल्याचे म्हटले आहे. भाजपचे यूपीतील आमदार संगीत सोम यांच्या वादग्रस्त वक्तव्यानंतर संपूर्ण देशात ताजमहालावर चर्चा सुरू झाली. त्याच्यानंतर आजम खान, असदुद्दीन ओवेसी, योगी आदित्यनाथ आणि पंतप्रधान मोदी यांनी या वादावर आपल्या प्रतिक्रिया दिल्या आहेत. एक दिवसापूर्वीत उत्तर प्रदेशचे मुख्यमंत्री योगी आदित्यनाथ यांनी ताजमहालाचा दौरा करत तिथे स्वच्छता अभियानाची सुरुवात केली आहे. त्यानंतर हा वाद शमेल असे वाटत असतानाच आरएसएसने या वादात उडी घेतल्याने तो चिघळण्याची चिन्हे निर्माण झाली आहेत.