आम्ही पेटवून घेतोय! जोडप्यानं अंगावर पेट्रोल ओतलं, महिलेनं माचिस पेटवली; तितक्यात...

बंगळुरू: पती पत्नीनं स्वत:च्या शरीरावर पेट्रोल ओतून घेतलं. त्यांच्या हातात काडेपेटी होती. त्यांनी काडेपेटीतून माचिस काढली. त्यांच्या आसपास पोलीस आणि शेजारीपाजारी होते. पोलीस जवळ येऊ लागताच पतीनं काडेपेटी पत्नीकडे दिली. तिनं लगेच माचिस पेटवली. ती स्वत:ला पेटवणार इतक्यात तिला मागून काही जणांनी पकडलं आणि ते तिला वर खेचू लागले. पतीला पोलिसांनी धरलं. या घटनेचा व्हिडीओ सोशल मीडियावर व्हायरल झाला आहे.

कर्नाटकची राजधानी बंगळुरुत हा प्रकार घडला. काही दिवसांपूर्वी बंगळुरुत मुसळधार पाऊस झाला. याला अतिक्रमण जबाबदार असल्याचा निष्कर्ष सरकारनं काढला. त्यामुळे आता सरकारनं अतिक्रमणांविरोधात कारवाया सुरू केल्या आहेत. अवैध बांधकामांविरोधात बुलडोझरच्या मदतीनं कारवाई सुरू केली आहे. पीला पंजा परिसरात वास्तव्यास असलेल्या दाम्पत्याच्या घरावर कारवाई करण्यासाठी बुलडोझर पोहोचला. त्यांनी कारवाईला विरोध केला. घर पाडल्यास जीव देऊ अशी धमकी जोडप्यानं दिली.
अंबारीतील छत्रीला विजेच्या तारेचा स्पर्श; शॉक बसताच हत्ती सैरभैर; महंतांसह सगळे कोसळले
बंगळुरू महापालिकेच्या हद्दीत येणाऱ्या केआर पुरममध्ये बुलडोझर तोडक कारवाई करत होता. हा बुलडोझर सोना सेन आणि त्यांचे पती सुनील सिंह यांच्या घराजवळ पोहोचला. त्यांनी आरडाओरडा केला. आम्ही स्वत:ला पेटवून घेऊ अशी धमकी दिली. घराबाहेर असलेल्या संरक्षक भिंतीसमोर दोघे उभे राहिले. त्यांच्या हातात पेट्रोलची एक बाटली होती. त्यांनी कारवाईचा निषेध करत स्वत:वर पेट्रोल टाकून घेतलं. पोलीस आणि शेजाऱ्यांनी त्यांना समजावण्याचा प्रयत्न केला. मात्र ते ऐकण्याच्या मनस्थितीत नव्हते.
टाकी फुल्ल, एक-दोन थेंब इंजिनवर पडले अन् भडका उडाला; पेट्रोल पंपवर बाईक पेटली, दोघे भाजले
पोलिसांनी सुनील यांचा हात धरताच त्यांनी काडेपेटी सोना यांच्या हातात दिली. पुढच्या काही क्षणांत त्यांनी माचिस पेटवली. त्या स्वत:ला पेटवून घेणार असं वाटत असताना शेजाऱ्यांनी त्यांच्या अंगावर बादलीनं पाणी ओतलं. आमचं घर अवैध नाही. आमच्याकडे घराची कागदपत्रं असल्याचा दावा दोघांनी केला. शेजाऱ्यांनी प्रसंगावधान राखल्यानं मोठा अनर्थ टळला.