अ‍ॅपशहर

विजय मल्ल्यांविरोधात १७ बँका कोर्टात

बँकांच्या सात हजार कोटी रुपयांच्या कर्जाची परतफेड करू न शकल्याने चहुबाजून घेरले गेलेले किंगफिशर एअरलाइन्स आणि युनायटेड स्पिरिट्सचे सर्वेसर्वा विजय मल्ल्या यांच्या अडचणींमध्ये आणखी भर पडण्याची शक्यता आहे. मल्ल्या यांच्याविरोधात स्टेट बँकेसह १७ बँकांनी सुप्रीम कोर्टात धाव घेतली असून मल्ल्या यांना देश सोडण्यास मनाई करावी, अशी विनंती या बँकांनी केली आहे.

Maharashtra Times 8 Mar 2016, 2:13 pm
मटा ऑनलाइन वृत्त । नवी दिल्ली
महाराष्ट्र टाइम्स.कॉम banks petition supreme court to stop vijay mallya from leaving india
विजय मल्ल्यांविरोधात १७ बँका कोर्टात


बँकांच्या सात हजार कोटी रुपयांच्या कर्जाची परतफेड करू न शकल्याने चहुबाजून घेरले गेलेले किंगफिशर एअरलाइन्स आणि युनायटेड स्पिरिट्सचे सर्वेसर्वा विजय मल्ल्या यांच्या अडचणींमध्ये आणखी भर पडण्याची शक्यता आहे. मल्ल्या यांच्याविरोधात स्टेट बँकेसह १७ बँकांनी सुप्रीम कोर्टात धाव घेतली असून मल्ल्या यांना देश सोडण्यास मनाई करावी, अशी विनंती या बँकांनी केली आहे.

मल्ल्या हे कारवाईपासून पळ काढण्यासाठी देश सोडून जाऊ शकतात, अशी भीती बँकांनी आपल्या याचिकेत व्यक्त केली असून सुप्रीम कोर्टात या याचिकेवर उद्या, बुधवारी सुनावणी होणार आहे.

दरम्यान, सीबीआयच्या तक्रारीनंतर सोमवारी 'ईडी'ने मल्ल्या यांच्याविरोधात मनी लॉन्ड्रिंगचा गुन्हा दाखल केला होता. मल्ल्या यांनी बँकांकडून कर्जरुपात घेतलेल्या पैशांचं काय केलं?, याचा तपास ईडी करत आहे. महत्त्वाचे म्हणजे, 'ईडी'नंतर 'डीआरटी'नेही (डेट रिकव्हरी ट्रिब्युनल) बिझनेस डीलचे ५१५ कोटी रुपये काढण्यास मल्ल्या यांना कालच मनाई आदेश जारी केला होता. त्यापाठोपाठ आता मल्ल्यांनी घेतलेलं ७ हजार कोटींचं कर्ज डुबण्याच्या भीतीने बँकांनी सुप्रीम कोर्टाचा दरवाजा ठोठावल्याने मल्ल्यांची कोंडी होण्याची शक्यता आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज