लादेन, ओबामा, मोदी, मुलायम, सोनम कपूर... यूपीतील 'या' गावात हे सर्व मतदार

सिद्धार्थनगर: बराक ओबामा, नरेंद्र मोदी, मुलायमसिंह यादव, शिवराजसिंह चौहान आणि सोनम कपूर. तुमच्या मनातही एक प्रश्न आला असेल की, ही सगळी नावे एकत्र का घेतली जात आहेत. तर मग, चला तुम्हाला आता सांगावेच लागेल की ही नेमकी काय भानगड आहे. त्याचे असे आहे की, उत्तर प्रदेशातील एका गावात हे सर्व चर्चित चेहरे मतदार आहेत. यंत्रणेत झालेल्या गडबडीमुळे एका झटक्यात या दिग्गजांना गावातील मतदार बनवले आहे. मतदारांच्या यादीत अल-कायदा या दहशतवादी संघटनेचा मारला गेलेला म्होरक्या ओसामा बिन लादेन याचे देखील नाव आहे.

उत्तर प्रदेशातील सिद्धार्थनगर जिल्ह्यात सरकारी यंत्रणांचा बेजबाबदारपणा पाहून तुम्हाला आश्चर्य वाटेल. उदाहणादाखल डुमरियागंज तालुका क्षेत्रातील भैसहिया गावात तयार झालेली मतदार यादीच घ्या. तुमचा विश्वास बसणार नाही इतकी मोठी चूक येथे उघड झाली आहे. या गावातील मतदारांच्या यादीत पंतप्रधान नरेंद्र मोदींपासून ते उत्तर प्रदेशचे माजी मुख्यमंत्री मुलायमसिंह यादव, माजी मुख्यमंत्री मायावती, मध्य प्रदेशचे मुख्यमंत्री शिवराजसिंह चौहान, अमेरिकेचे माजी राष्ट्राध्यक्ष बराक ओबामा आणि बॉलिवूडची अभिनेत्री सोनम कपूर यांच्या नावांचा समावेश आहे. ही यादी सोशल मीडियावर व्हायरल झाल्यानंतर खळबळ उडाली.


डुमरियागंजच्या भैसहिया गावातील मतदारांच्या यादीत मोठी गडबड झाल्याचे स्पष्ट झाले आहे. देशातील अतिमागास जिह्यांमध्ये समावेश असलेल्या सिद्धार्थनगरधील एका छोट्याशा गावातील मतदारांच्या यादीत मोठमोठी नावे आहेत. मतदार यादीतील ही गडबड पकडली गेल्यानंतर जिल्हा निवडणूक कार्यालयाच्या कार्यशैलीवर सवाल उपस्थित करणे सुरू झाले आहे.

क्लिक करा आणि वाचा- तनिष्क स्टोअरवर हल्ला; मॅनेजरकडून बळजबरीने लिहून घेतला माफीनामा

मतदार यादीत नाव नोंदवण्याची एक कायदेशीर प्रक्रिया आहे. तपासानंतरच एखाद्या मतदाराचे नाव मतदार यादीत नमूद केले जाते. हे पाहता जगभरातील दिग्गजांची नावे एका छोट्या गावातील मतदारांच्या यादीत जोडली जाणे हा मोठा निष्काळजीपणा आहे. या प्रकरणाची चौकशी करण्यात येणार असून मतदार यादीतील चुकीची नावे रद्द करण्यात येतील, असे डुमरियागंजच्या उपविभागीय दंडाधिकारी त्रिभुवन कुमार यांनी सांगितले.

क्लिक करा आणि वाचा- मेहबूबांची काश्मिरींना हाक; 'जे हिसकावले गेले ते परत मिळवायचेच'

क्लिक करा आणि वाचा- हैदराबाद: मुसळधार पावसाने भिंत कोसळली; २ महिन्यांच्या बाळासह ९ जणांचा मृत्यू