'दिदी आहात, दादासारखे नका वागू': जदयू

मदन कुमार, पटना

केंद्रसरकारच्या नोटाबंदीच्या निर्णयाचे समर्थन केल्याने बिहारचे मुख्यमंत्री नितीश कुमार यांना गद्दार संबोधणाऱ्या पश्चिम बंगालच्या मुख्यमंत्री ममता बॅनर्जी यांच्यावर जनता दल (संयुक्त)ने जोरदार हल्ला चढविला आहे. 'तुम्ही दिदी आहात हे लक्षात ठेवा, दादासारखे वागू नका' असा टोला जदयूने लगावला आहे.

जदयूचे प्रवक्ते के.सी.त्यागी यांनी हा टोला लगावला. 'त्या दिदीच्या रुपात खुप चांगल्या दिसतात. त्यांनी दादासारखे वागू नये', असे त्यागी म्हणाले. तर पश्चिम बंगालमध्ये चीटफंडचा पैसा मोठ्या प्रमाणावर आहे. जुन्या नोटा रद्द झाल्याने हा पैसा वाया जाणार आहे. हा पैसा जमेस धरण्यात आलेला नाही. त्याला कर लावलेला नाही.त्यामुळे त्याची सत्यता तपासली पाहिजे, अशी मागणी जदयूचे आणखी एक प्रवक्ते राजीव रंजन त्यागी यांनी केली आहे.