बेळगावः स्टार एअरच्या बेळगाव ते बेंगळुरू विमानसेवेला सोमवारपासून प्रारंभ झाला. सांबरा विमानतळावर आयोजित कार्यक्रमात स्टार एअरचे संजय घोडावत, खासदार प्रकाश हुक्केरी आणि राज्यसभा सदस्य डॉ. प्रभाकर कोरे यांनी केक कापून सेवेचा प्रारंभ झाल्याचे जाहीर केले. यावेळी व्यासपीठावर आमदार अभय पाटील, आमदार अनिल बेनके, जिल्हाधिकारी डॉ. एस. बी. बोमनहळ्ळी विमानतळाचे संचालक राजेशकुमार मौर्य आदी उपस्थित होते.
बेळगावमध्ये वैमानिक प्रशिक्षण केंद्र सुरू करणार असून, उडान योजनेअंतर्गत अन्य ठिकाणी विमानसेवा लवकरच सुरू करणार आहे. स्टार एअरलाईन्सच्या सेवेला एक महिना पूर्ण झाला असून, ठरलेल्या वेळेत विमानाचे उड्डाण होत आहे. बेळगावमध्ये जागा मिळाली, तर भविष्यात हँगरदेखील सुरू करण्याचा विचार असून, त्यामुळे विमानांच्या देखभालीचे काम देखील येथे करता येईल, असे संजय घोडावत यांनी सांगितले. बेळगावहून अहमदाबाद, सुरत आदी एकूण तेरा ठिकाणी लवकरच विमानसेवा सुरू करू. बेळगाव शहर देशातील अन्य मोठ्या शहरांना विमानसेवेद्वारे जोडणार आहोत. कंपनीत पहिला पायलट म्हणून ऋषिकेश पाटील या बेळगावच्या तरुणाची निवड केली आहे, अशी माहिती संजय घोडावत यांनी दिली. गेल्या महिन्याभरात स्टार एअरने ११० फेऱ्या विना अडथळा पूर्ण केल्या आहेत.
या कार्यक्रमाला उपस्थित दोन्ही खासदारांनी घोडावत यांच्याकडे बेळगावातील रोजगार मिळवून देण्यासाठी उद्योग सुरू करा, अशी मागणी केली. प्रकाश हुक्केरी यांनी स्टार एअरच्या बेंगळुरू विमानसेवेला शुभेच्छा देत कंपनीने मुंबईसह लवकरच अन्य शहरांना बेळगावला जोडा आणि महाराष्ट्राप्रमाणे बेळगावात उद्योग शिक्षण संस्था सुरू करा, अशी मागणी केली.
डॉ. प्रभाकर कोरे म्हणाले की, घोडावत ग्रुपकडे आर्थिक पाठबळ भक्कम आहे. बेळगावकरांच्यावतीनं जमीन आणि मनुष्यबळ पुरवू, असे आश्वासन त्यांनी दिले. हे विमान बेंगळुरूहून दुपारी १.२५ ला निघून बेळगावला २.३० ला पोचणार आहे. तर बेळगावहून दुपारी ३ वाजता निघून ४.०५ मिनिटांनी पुन्हा बेंगळुरूला पोचणार आहे.
बेळगावमध्ये वैमानिक प्रशिक्षण केंद्र सुरू करणार असून, उडान योजनेअंतर्गत अन्य ठिकाणी विमानसेवा लवकरच सुरू करणार आहे. स्टार एअरलाईन्सच्या सेवेला एक महिना पूर्ण झाला असून, ठरलेल्या वेळेत विमानाचे उड्डाण होत आहे. बेळगावमध्ये जागा मिळाली, तर भविष्यात हँगरदेखील सुरू करण्याचा विचार असून, त्यामुळे विमानांच्या देखभालीचे काम देखील येथे करता येईल, असे संजय घोडावत यांनी सांगितले. बेळगावहून अहमदाबाद, सुरत आदी एकूण तेरा ठिकाणी लवकरच विमानसेवा सुरू करू. बेळगाव शहर देशातील अन्य मोठ्या शहरांना विमानसेवेद्वारे जोडणार आहोत. कंपनीत पहिला पायलट म्हणून ऋषिकेश पाटील या बेळगावच्या तरुणाची निवड केली आहे, अशी माहिती संजय घोडावत यांनी दिली. गेल्या महिन्याभरात स्टार एअरने ११० फेऱ्या विना अडथळा पूर्ण केल्या आहेत.
या कार्यक्रमाला उपस्थित दोन्ही खासदारांनी घोडावत यांच्याकडे बेळगावातील रोजगार मिळवून देण्यासाठी उद्योग सुरू करा, अशी मागणी केली. प्रकाश हुक्केरी यांनी स्टार एअरच्या बेंगळुरू विमानसेवेला शुभेच्छा देत कंपनीने मुंबईसह लवकरच अन्य शहरांना बेळगावला जोडा आणि महाराष्ट्राप्रमाणे बेळगावात उद्योग शिक्षण संस्था सुरू करा, अशी मागणी केली.
डॉ. प्रभाकर कोरे म्हणाले की, घोडावत ग्रुपकडे आर्थिक पाठबळ भक्कम आहे. बेळगावकरांच्यावतीनं जमीन आणि मनुष्यबळ पुरवू, असे आश्वासन त्यांनी दिले. हे विमान बेंगळुरूहून दुपारी १.२५ ला निघून बेळगावला २.३० ला पोचणार आहे. तर बेळगावहून दुपारी ३ वाजता निघून ४.०५ मिनिटांनी पुन्हा बेंगळुरूला पोचणार आहे.