बेंगळुरू:
ज्या आईनं स्वतःच्या पोटाला चिमटा घेऊन लहानाचं मोठं केलं, त्या आईसाठी मुलं जीव ओवाळूनही टाकायला तयार होतात. अशीच एक घटना बेंगळुरू शहरात घडलीय. एका पंचवीस वर्षीय तरुणीनं किडनी देऊन तिच्या आईचे प्राण वाचवले. किडनी दान करण्यास होणाऱ्या पतीनं विरोध केला म्हणून तिनं भविष्याचा विचार न करता चक्क साखरपुडा मोडला.
ही तरुणी मूळची बांगलादेशची आहे. बेंगळुरूच्या ओल्ड एअरपोर्ट रोडवरील मणिपाल हॉस्पिटलमध्ये तिनं आईला किडनी दान देऊन तिचे प्राण वाचवले. आईला किडनी देण्यास होणाऱ्या पतीनं विरोध केला होता. त्यामुळं या मुलीनं साखरपुडाच मोडला. किडनी प्रत्यारोपणानंतर डॉक्टरांना ही बाब समजली. त्यांनी या मुलीचं कौतुक केलं. 'मी सहसा अविवाहित मुलींना अवयवदान करण्यापासून परावृत्त करतो. कारण त्यांच्यासमोर अख्खं आयुष्य पडलेलं असतं. पण या मुलीनं विनंती केल्यानं शस्त्रक्रिया करण्याची तयारी दर्शवली. प्रत्यारोपण शस्त्रक्रिया यशस्वी झाली असून, दोघींची प्रकृती ठीक आहे,' असं डॉक्टर शंकरन सुंदर यांनी सांगितलं.
किडनी दान करणाऱ्या महिलांची संख्या खूप कमी आहे. पती आणि सासरची मंडळी विवाहितांना किडनी दान करू देत नाहीत. 'या तरुणीचं कौतुक करावं तितकं कमीच आहे, असं डॉक्टर म्हणाले. 'मी खूप नशिबवान आहे की माझ्या घरात अशी मुलगी जन्माला आली. आईला किडनी देण्यास होणाऱ्या पतीनं विरोध केला. पण आईचा जीव वाचवण्यासाठी तिनं साखरपुडा मोडला, असं सांगतानाच वडिलांच्या डोळ्यांत आनंदाश्रू तरळले.
इंग्रजीत बातमी वाचण्यासाठी येथे क्लिक करा:
ज्या आईनं स्वतःच्या पोटाला चिमटा घेऊन लहानाचं मोठं केलं, त्या आईसाठी मुलं जीव ओवाळूनही टाकायला तयार होतात. अशीच एक घटना बेंगळुरू शहरात घडलीय. एका पंचवीस वर्षीय तरुणीनं किडनी देऊन तिच्या आईचे प्राण वाचवले. किडनी दान करण्यास होणाऱ्या पतीनं विरोध केला म्हणून तिनं भविष्याचा विचार न करता चक्क साखरपुडा मोडला.
ही तरुणी मूळची बांगलादेशची आहे. बेंगळुरूच्या ओल्ड एअरपोर्ट रोडवरील मणिपाल हॉस्पिटलमध्ये तिनं आईला किडनी दान देऊन तिचे प्राण वाचवले. आईला किडनी देण्यास होणाऱ्या पतीनं विरोध केला होता. त्यामुळं या मुलीनं साखरपुडाच मोडला. किडनी प्रत्यारोपणानंतर डॉक्टरांना ही बाब समजली. त्यांनी या मुलीचं कौतुक केलं. 'मी सहसा अविवाहित मुलींना अवयवदान करण्यापासून परावृत्त करतो. कारण त्यांच्यासमोर अख्खं आयुष्य पडलेलं असतं. पण या मुलीनं विनंती केल्यानं शस्त्रक्रिया करण्याची तयारी दर्शवली. प्रत्यारोपण शस्त्रक्रिया यशस्वी झाली असून, दोघींची प्रकृती ठीक आहे,' असं डॉक्टर शंकरन सुंदर यांनी सांगितलं.
किडनी दान करणाऱ्या महिलांची संख्या खूप कमी आहे. पती आणि सासरची मंडळी विवाहितांना किडनी दान करू देत नाहीत. 'या तरुणीचं कौतुक करावं तितकं कमीच आहे, असं डॉक्टर म्हणाले. 'मी खूप नशिबवान आहे की माझ्या घरात अशी मुलगी जन्माला आली. आईला किडनी देण्यास होणाऱ्या पतीनं विरोध केला. पण आईचा जीव वाचवण्यासाठी तिनं साखरपुडा मोडला, असं सांगतानाच वडिलांच्या डोळ्यांत आनंदाश्रू तरळले.
इंग्रजीत बातमी वाचण्यासाठी येथे क्लिक करा: