बेनेट विद्यापीठात संशोधनावर भर

टाइम्स न्यूज नेटवर्क, नवी दिल्ली

कोणत्याही विद्यापीठात संशोधन हा शिक्षणाचा प्रमुख विभाग असतो. त्यानुसार बेनेट विद्यापीठात अन्य सर्व विभागांव्यतिरिक्त संशोधनविषयक उपक्रमांवर भर देण्यात येणार आहे.

दोन वर्षांपूर्वीच याची सुरुवात झाली असून सन २०१६मध्ये बेनेट विद्यापीठाने दोन संशोधक विद्यार्थ्यांना मार्गदर्शन केले आहे. चालू शैक्षणिक वर्षात ही संख्या ३१वर पोहोचली आहे. बेनेटने आगामी काळात कायदा आणि व्यवस्थापन आदी अन्य अभ्यासक्रमांचे शिक्षण देणाऱ्या संस्थांची उभारणी करण्याचे ठरवले आहे. पदवीपूर्व शिक्षणापासून संशोधन, पीएचडीपर्यंतचे मार्गदर्शन बेनेट विद्यापीठात उपलब्ध आहे.

बेनेटच्या स्कूल ऑफ इंजिनीअरिंग अॅण्ड अप्लाइड सायन्समध्ये अभियांत्रिकी, तंत्रज्ञान आणि अप्लाइड सायन्स हे अभ्यासक्रम उपलब्ध आहेत. बेनेट विद्यापीठात २०१८च्या वसंत ऋतुमध्ये कम्प्यूटर सायन्स इंजिनीअरिंग, इलेक्ट्रॉनिक्स अॅण्ड कम्युनिकेशन इंजिनीअरिंग, सिव्हिल इंजिनीअरिंग, मेकॅनिकल अॅण्ड एरोस्पेस इंजिनीअरिंग, पदार्थविज्ञान आणि बीजगणित आदी विषयांतील विशेष अभ्यासक्रमांत विद्यार्थ्यांना मार्गदर्शन मिळू शकेल.

बेनेटमध्ये पीएचडीवर मार्गदर्शन उपलब्ध आहेच. त्याशिवाय लवकरच विधि विभागात पदव्युत्तर अभ्यासक्रम सुरू करण्यात येणार आहे. हा अभ्यासक्रम मास्टर्सच्या श्रेणीचा असेल, अशी माहिती विद्यापीठाच्या ‘स्कूल ऑफ लॉ’चे अधिष्ठाता प्रा. व्ही. सी. विवेकानंदन यांनी दिली.

बेनेटमधून पीएडी करणाऱ्या विद्यार्थ्यांना विशेष सुविधा मिळतात. येथून पूर्णवेळ पीएचडी करणाऱ्या विद्यार्थ्यांचा शैक्षणिक खर्च बेनेटकडून केला जातो. येथे अभियांत्रिकीमध्ये पीएचडी करणाऱ्यांना सर्वोत्तम तांत्रिक साह्य केले जाते. तसेच, ही पीएचडी जागतिक स्तरावरही महत्त्वाची ठरेल, याची काळजी घेतली जाते. ‘बेनेटचा पीएचडी अभ्यासक्रम हा अमेरिकेतील अभ्यासक्रमाच्या तोडीचा आहे. हा अभ्यासक्रम कसोटी घेणारा असून पात्रता परीक्षा उत्तीर्ण होणाऱ्या विद्यार्थ्यालाच येथे पीएचडी करता येते. मास कम्युनिकेशन वगळता बेनेटमधील प्रत्येक अभ्यासक्रमात विद्यार्थ्यांना संशोधन करण्याची संधी मिळावी, असे आम्हाला वाटते’, असे बेनेटचे उपकुलगुरू याझ मेदुरी यांनी सांगितले.

अखंड ज्ञानयज्ञ
डॉ. कृष्णा त्यागराजन, डॉ. बिश्नू पाल आणि सुधीर चंद्रा या ज्येष्ठ तज्ज्ञांनी आयआयटीच्या धर्तीवर बेनेटचा अभ्यासक्रम आखला आहे. हे तज्ज्ञ बेनेटमध्ये ज्ञानदान करीत आहेत. याशिवाय, काही अमेरिकी शिक्षणतज्ज्ञही बेनेट परिवारात दाखल होत आहेत. कोर्नेल विद्यापीठ तसेच जॉर्जिया टेक यातील अभ्यासकांचेही बेनेटमधील विद्यार्थ्यांना मार्गदर्शन मिळत आहे, असे मेदुरी यांनी सांगितले.