Bhabanipur Bypoll : 'यापुढेही मला जर मुख्यमंत्री म्हणून बघायचं असेल, तर...'

कोलकाताः पश्चिम बंगालच्या भवानीपूर विधानसभा मतदारसंघात ३० सप्टेंबरला पोटनिवडणूक होणार आहे. संपूर्ण देशाच्या नजरा विधानसभेच्या या मतदारसंघावर आहेत. कारण खुद्द मुख्यमंत्री ममता बॅनर्जी ( mamata banerjee ) या जागेवरून निवडणूक रिंगणात आहेत. राज्याच्या मुख्यमंत्रिपदावर ममतांना कायम राहायचं असेल, तर त्यांना ही जागा जिंकून विधानसभेवर जाणं गरजेचं आहे.

ममतांचे भावनिक आवाहन

विधानसभा पोटनिवडणुकीपूर्वी मुख्यमंत्री ममता बॅनर्जी या सतत जनतेला आपल्याला मतदान करण्याचं आवाहन करत आहेत. भवानीपूरचं वर्णन त्यांनी 'मिनी इंडिया' असं केलं. अनेक समाजांचे लोक येथे राहत आहेत. या जागेवरून मी सहा वेळा विधानसभा निवडणुका जिंकल्या आहेत. पण तुम्हाला जर मला मुख्यमंत्री म्हणून यापुढेही पाहायचे असेल, तर पाऊस पडत असला तरी कृपया घराबाहेर पडा आणि मतदान करा, असं आवाहन ममतांनी केलं.

Amarinder Singh: राहुल-प्रियांका गांधींना 'अनुभवहीन' म्हणणाऱ्या 'कॅप्टन'ला काँग्रेसचं प्रत्यूत्तर

ममतांचा भाजपवर हल्लाबोल

भाजप सर्रास खोटं बोलणारी पार्टी आहे. आपण राज्यात दुर्गा पूजा, लक्ष्मी पूजेला परवानगी देत नाही, असं भाजप म्हणते. भाजप ही 'जुमला पार्टी' आहे, अशी टीका ममतांनी केली. पंतप्रधान मोदींना आणि अमित शहांना भारताचा तालिबान बनवू देणार नाही. भारत एकजूट राहणार... गांधीजी, नेताजी, विवेकानंद, सरदार वल्लभभाई पटेल, गुरु नानक, गौतम बुद्ध, जैन सगळे एकसाथ राहतील. भारताचे विभाजन होऊ देणार नाही, असं मुख्यमंत्री ममता बॅनर्जी बुधवारी म्हणाल्या.

OBC Reservation: महाराष्ट्राला ओबीसी इम्पेरिकल डेटा देण्यास केंद्राचा नकार, सुनावणी पुढे ढकलली