उद्धव ठाकरेंना मोठा धक्का: निवडणूक आयोगासमोर सुरू असलेल्या कार्यवाहीला स्थगिती नाही; कोर्टाचा निर्णय

नवी दिल्ली : शिंदे गटाकडून करण्यात आलेल्या अर्जावरील सुनावणी सुप्रीम कोर्टाने पूर्ण केली आहे. शिवसेना पक्ष खरा कोणाचा, या प्रश्नावर केंद्रीय निवडणूक आयोगासमोर सुरू असलेल्या कार्यवाहीला स्थगिती नसेल, असा निर्णय सुप्रीम कोर्टाकडून देण्यात आला आहे. शिवसेना पक्षप्रमुख उद्धव ठाकरे यांच्या गटाकडून निवडणूक आयोगाला पक्षचिन्हाबाबतचा निर्णय घेण्यापासून रोखावं, अशी मागणी करण्यात आलेली होती. मात्र कोर्टाने ही मागणी मान्य न केल्यान ठाकरे गटाला मोठा धक्का बसला आहे.

केंद्रीय निवडणूक आयोगासमोरील कार्यवाहीला स्थगिती नसेल, असं सुप्रीम कोर्टाचे न्यायमूर्ती धनंजय चंद्रचूड यांच्या नेतृत्वाखालील पाच न्यायमूर्तींच्या पूर्णपीठाने सुनावणीअंती दिलेल्या आदेशात स्पष्ट केलं आहे.

मोठा ट्विस्ट: निवडणूक आयोगाच्या कागदपत्रांनुसार उद्धव ठाकरे हेच २०२३ पर्यंत शिवसेनेचे अध्यक्ष, सिब्बलांचा दावा

मुंबई महापालिकेसह अन्य निवडणुका तोंडावर असताना केंद्रीय निवडणूक आयोगाचा निर्णय काय येतो आणि शिवसेनेच्या निवडणूक चिन्हाबाबत काय आदेश होतो, त्याबद्दल आता मोठी उत्सुकता निर्माण झाली आहे.