लग्नानंतर तिसऱ्याच दिवशी नवरदेव गायब; एक कॉल न् संपूर्ण केस सॉल्व्ह; मर्डर मिस्ट्रीचा उलगडा

पाटणा: बिहारच्या गयामध्ये एका नवविवाहित तरुणाचा खून झाला आहे. या प्रकरणी पोलिसांनी त्याच्या पत्नीला अटक केली आहे. लकडाही गावात राहणाऱ्या अशोक कुमारचं लग्न २९ मे रोजी रेवती कुमारीशी झालं. ३० मे रोजी रेवतीच्या कुटुंबियांनी तिची पाठवणी केली. त्यानंतर रेवती सासरी आली. सासरच्या मंडळींनी तिचं घरात मोठ्या उत्साहात स्वागत केलं.

यानंतर दुसऱ्याच दिवशी म्हणजेच ३१ मे रोजी विवाहनंतरच्या काही विधींनंतर अशोक अचानक बेपत्ता झाला. कुटुंबियांनी त्याचा सर्वत्र शोध घेतला. मात्र ठावठिकाणा सापडला नाही. पोलीस ठाण्यात तक्रार नोंदवण्यात आली. 'मित्राचा फोन आल्यानंतर ३१ मेच्या संध्याकाळी अशोक बाहेर गेला. त्यानंतर तो परतलाच नाही. १ जूनला त्याच्या मृत रक्ताच्या थारोळ्यात सापडला. कोणीतरी धारदार शस्त्रांनी गळा कापून त्याची हत्या केली होती,' असा घटनाक्रम अशोकचा भाऊ धर्मेंद्रनं कथन केला.
पूलमध्ये पोहताना श्वसननलिकेला इजा, तरुण व्हेटिंलेटरवर; एका सवयीनं घात; अशी चूक करू नका!
प्रकरणाचं गांभीर्य लक्षात घेऊन एसएसपी आशिष भारती यांनी पोलीस अधीक्षक हिमांशू यांच्याकडे तपास सोपवला. त्यांनी टेक्निकल सेल आणि पोलीस अधिकाऱ्यांचं पथक स्थापन केलं. तपासातून धक्कादायक माहिती उघडकीस आली. अशोकची पत्नी रेवती कुमारीचे तिच्या भावजींशी अनैतिक संबंध होते. त्याची माहिती अशोकला समजली. त्यामुळे लग्नविधी सुरू असतानाच रेवतीनं पतीच्या हत्येचा कट रचला. पोलिसांनी रेवतीला ताब्यात घेतलं. तिची चौकशी केली. त्यात तिनं हत्येची कबुली दिली.
अबोल स्वभाव, ना कोणाच्या अध्यात ना मध्यात; भावी डॉक्टरनं मरण जवळ केलं; बंद खोलीत काय घडलं?
भावजींच्या मदतीनं पतीची हत्या केल्याची कबुली रेवतीनं पोलिसांकडे दिली. पतीला अवैध संबंधांची कुणकुण लागली होती. त्यामुळे त्याला संपवण्याचा निर्णय घेतला, असं रेवतीनं पोलिसांना सांगितलं. १ जूनला अशोक कुमारचा मृतदेह सापडला. त्यानंतर ६ जूनला रेवतीचा भावजी उपेंद्र यादवचा मृतदेह जीटी रोड परिसरात आढळला. त्याच्या मृतदेहावर जखमा नसल्याचं निरीक्षणातून समोर आलं. पोलिसांनी त्याचा मृतदेह शवविच्छेदनासाठी पाठवला आहे. उपेंद्रचा खून कोणी केला, याचा शोध सुरू आहे.