ओबीसी दुखावल्यानेच भाजपचा पराभव

बलिया (उत्तर प्रदेश) : 'भाजपचे नेते व उपमुख्यमंत्री केशव प्रसाद मौर्य यांना मुख्यमंत्रिपद न दिल्याने मागासवर्गीय समाज दुखावला आहे. मौर्य यांच्या नावानेच विधानसभा निवडणूक लढविण्यात आली. मात्र प्रत्यक्षात योगी आदित्यनाथ यांना मुख्यमंत्रीपद देण्यात आले. यामुळे मागासवर्गीय समाज संतापला असून, त्याचेच रुपांतर पोटनिवडणुकीत भाजपचा पराभव होण्यात झाले, ' असे विधान उत्तर प्रदेशातील मंत्री आणि सुहेलदेव भारतीय समाज पक्षाचे प्रमुख ओम प्रकाश राजभर यांनी केले आहे.

या पराभवाला योगी आदित्यनाथ जबाबदार आहेत का, असे विचारता राजभर यांनी 'सरकार जबाबदार आहे' असे उत्तर दिले.