भाजप खासदारांना व्हिप;समान नागरी कायदा ट्रेंड

नवी दिल्ली : सर्वांचं लक्ष दिल्ली विधानसभा निवडणुकीच्या निकालाकडे असताना भाजपने आपल्या खासदारांना व्हिप बजावला आहे. सोमवारी सायंकाळी राज्यसभा खासदारांना बजावलेल्या या व्हिपनंतर सोशल मीडियावर कॉमन सिव्हिल कोड म्हणजेच समान नागरी कायदा ट्रेंड सुरू झाला. यासोबतच भाजप नेमका कोणता धक्का देणार याबाबतही चर्चा सुरू झाली आहे. याबाबत अधिकृतपणे कोणतीही माहिती देण्यात आलेली नाही.

ओमर यांच्या स्थानबद्धतेस आव्हान

अर्थसंकल्पीय अधिवेशनाच्या पहिल्या टप्प्याचा आज अखेरचा दिन आहे. अर्थमंत्री निर्मला सीतारामन दोन्ही सभागृहात बजेटवर झालेल्या चर्चेला उत्तर देतील. भाजपकडून दोन्ही सभागृहातील खासदारांना व्हिप बजावण्यात आला आहे. उपस्थित राहून सरकारचं समर्थन करण्याचे आदेश या व्हिपमधून देण्यात आले आहेत.

अर्थसंकल्पीय अधिवेशन संपण्यापूर्वी सरकार संसदेत करासंबंधी वित्तीय विधेयक सादर करणार आहे. यासाठीच व्हिप बजावलेला असू शकतो, असंही बोललं जात आहे. भाजपचा व्हिप समोर येताच सोशल मीडियावर चर्चांना ऊत आला. गेल्या काही दिवसात भाजपने जेव्हा-जेव्हा खासदारांना व्हिप जारी केला, तेव्हा काही तरी मोठा निर्णय झाला आहे. जम्मू काश्मीरमधील कलम ३७० काढणे, राम मंदिर ट्रस्टची घोषणा आणि नागरिकत्व दुरुस्ती कायदा याबाबतीतही असंच झालं होतं.

‘शाहीनबाग’वर आदेशास नकार

सोशल मीडियावर समान नागरी संहितेविषयी चर्चा सुरू झाली आहे. कारण, भाजपने लोकसभा निवडणुकीच्या आपल्या जाहीरनाम्यातही याबाबत आश्वासन दिलेलं आहे. यातच सोशल मीडियावर एक कागद व्हायरल होत असून तो कागद संसदीय कामकाजाचा भाग असल्याचा दावा केला जात आहे.