gs bawa death : दिल्लीत पार्कमध्ये आढळला भाजपच्या वरिष्ठ नेत्याचा मृतदेह, पोलीस म्हणाले...

नवी दिल्लीः दिल्लीत एका पार्कमध्ये भाजपचे वरिष्ठ नेते जी. एस. बावा यांचा मृतदेह आढळून आला आहे. त्यांनी आत्महत्या केली असल्याचा प्राथमिक अंदाज आहे. पश्चिम जिल्हा बाजपचे माजी उपाध्यक्ष जी. एस. बावा यांनी सोमवारी संध्याकाळी सुभाषनगर येथील तवाल असलेल्या पार्कमध्ये ग्रीला लटकून आत्महत्या केल्याचं बोललं जातंय. पार्कमध्ये फिरत असलेल्या काही जणांना त्यांचा मृतदेह ग्रीलला लटकलेला दिसून आला. त्यानंतर ही घटना समोर आली.

५८ वर्षांचे भाजप नेते जी. एस. बावा पश्चिम दिल्लीतील फतेह नगरमध्ये रहात होते. होळीच्या दिवशी सोमवारी संध्याकाळी ६ वाजता पार्कमध्ये फिरत असलेल्या काही जणांनी दिल्ली पोलिसांना याची माहिती दिली. पार्कमध्ये ग्रीला कुणाचातरी मृतदेह लटकला आहे, असं त्यांनी पोलिसांना सांगितलं. माहिती मिळाल्यानंतर पोलीस घटनास्थळी दाखल झाले. यानंतर मृतदेह हा भाजपचे वरिष्ठ नेते जी. एस. बावा यांचा असल्याचं पोलीस तपासात समोर आलं. पोलिसांना घटनास्थळी आत्महत्येपूर्वी लिहिलेली कुठलीही चिठ्ठी आढळून आलेली नाही. पोलिसांनी मृतदेह पोस्टमार्टमसाठी पाठवला आहे. आता या प्रकरणी तपास सुरू आहे.

तर जी. एस. बावा यांच्या निधनावर पक्षातील नेत्यांनी शोक व्यक्त केला आहे. गेल्या काही दिवसांपूर्वी दिल्लीतील गोमती अपार्टमेंटमध्ये हिमाचल प्रदेशातील मंडी येथील खासदार राम स्वरुप शर्मा यांचा मृतदेह फ्लॅटमध्ये संशयास्पद अवस्थेत आढळून आला होता. रामस्वरुप शर्मा हे भाजपचे वरिष्ठ नेते होते. २०१९ मधून त्यांनी मंडी मतदारसंघातून लोकसभेची निवडणूक लढवली होती. पंतप्रधान मोदी यांनी ट्वीट करून त्यांच्या निधनाबद्दल शोक व्यक्त केला होता.

देशात करोनाचे नवीन रुग्ण अचानक कसे वाढले? आरोग्यमंत्र्यांनी सांगितलं कारण...

केंद्रात मंत्री असलेले आणि हिमाचल प्रदेशातील हमीरपूरचे खासदार अनुराग ठाकूर आणि राम स्वरूप शर्मा यांचे कौटुंबिक मित्र होते. तर शर्मा यांनी आत्महत्या केल्याचं अंदाज दिल्ली पोलिसांनी वर्तवला होता. याप्रकरणीही तपास सुरू आहे.

coronavirus maharashtra : महाराष्ट्रात डबल म्युटेशन असलेल्या करोनाने वाढला प्रादुर्भाव, चिंतेची बाब :