कोलकाता: 'महाभारत' या गाजलेल्या मालिकेतील 'द्रौपदी' फेम अभिनेत्री आणि भाजपच्या खासदार रुपा गांगुली यांच्या मुलाने बेदरकार ड्रायव्हिंग करत त्याची कार एका भिंतीला धडकवली. गुरुवारी कोलकात्यात घडलेल्या या घटनेत अनेक जण गाडीसमोर येतायेता वाचले असल्याची पोलिसांची माहिती आहे. त्याला अटक करण्यात आली असून आज कोर्टासमोर हजर करण्यात येणार आहे.
आकाश मुखोपाध्याय असं गांगुली यांच्या मुलाचं नाव आहे. काळ्या रंगाच्या सेदन गाडीतून तो जात असताना गोल्फ गार्डन भागात एका भिंतीवर त्याची कार धडकली. तो नशेत गाडी चालवत होता, असं स्थानिकांचं म्हणणं आहे. गाडीचा एक भाग तुटला असून त्यात आकाश अडकला होता. त्याच्या घराजवळच हा अपघात घडला.
रुपा गांगुली यांनी या घटनेनंतर ट्विट केलं आहे. त्यांनी लिहिलंय, 'माझ्या मुलाच्या गाडीचा माझ्या घराजवळ अपघात झाला. मी पोलिसांना बोलावलं. जे काही कायदेशीर आहे ते करा, कोणतंही राजकारण नको. माझं माझ्या मुलावर प्रेम आहे. मी त्याची काळजी घेईन. पण जे कायदेशीर आहे ते व्हायला हवं.'
रुपा गांगुली यांनी पंतप्रधान नरेंद्र मोदी यांना टॅग करत लिहिलंय की 'कृपया कोणाचीही बाजू घेऊ नये. कायद्याने आपलं काम करायला हवं. ना मी चुकीचं करते, ना कोणाला चुकीचं वागू देते. मी विकाऊ नाही.'
आकाश मुखोपाध्याय असं गांगुली यांच्या मुलाचं नाव आहे. काळ्या रंगाच्या सेदन गाडीतून तो जात असताना गोल्फ गार्डन भागात एका भिंतीवर त्याची कार धडकली. तो नशेत गाडी चालवत होता, असं स्थानिकांचं म्हणणं आहे. गाडीचा एक भाग तुटला असून त्यात आकाश अडकला होता. त्याच्या घराजवळच हा अपघात घडला.
रुपा गांगुली यांनी या घटनेनंतर ट्विट केलं आहे. त्यांनी लिहिलंय, 'माझ्या मुलाच्या गाडीचा माझ्या घराजवळ अपघात झाला. मी पोलिसांना बोलावलं. जे काही कायदेशीर आहे ते करा, कोणतंही राजकारण नको. माझं माझ्या मुलावर प्रेम आहे. मी त्याची काळजी घेईन. पण जे कायदेशीर आहे ते व्हायला हवं.'
रुपा गांगुली यांनी पंतप्रधान नरेंद्र मोदी यांना टॅग करत लिहिलंय की 'कृपया कोणाचीही बाजू घेऊ नये. कायद्याने आपलं काम करायला हवं. ना मी चुकीचं करते, ना कोणाला चुकीचं वागू देते. मी विकाऊ नाही.'