गौतम गंभीरला भाजपचं लोकसभेचं तिकीट

नवी दिल्ली :

क्रिकेटच्या मैदानातून निवृत्त झाल्यानंतर नुकताच भाजपमध्ये जाहीर प्रवेश करून राजकारणाच्या 'पिच'वर 'फलंदाजी' करण्यासाठी सज्ज झालेला भारताचा माजी सलामीवीर गौतम गंभीर दिल्लीतून भाजपच्या तिकिटावर लोकसभेची निवडणूक लढवणार आहे. भाजपने पूर्व दिल्ली मतदारसंघातून गंभीरला लोकसभेची उमेदवारी दिली आहे.

भाजपच्या केंद्रीय निवडणूक समितीचे सचिव जे. पी. नड्डा यांनी दिल्लीतील दोन उमेदवारांची आज घोषणा केली. त्यात पूर्व दिल्लीतून गौतम गंभीरला तर मीनाक्षी लेखी यांना नवी दिल्ली मतदारसंघातून उमेदवारी देण्यात आली आहे.

दिल्लीत लोकसभेच्या सात जागा असून राजधानीत १२ मे रोजी मतदान होणार आहे.