धक्कादायक घटना! घरात आईसह ४ मुलांचे आढळले मृतदेह, काय आहे कारण?...

नवी दिल्ली : ईशान्य दिल्लीच्या सीमापुरी भागातून एक मोठी घटना समोर आली आहे. या भागात एका घरातून एक महिला आणि तिच्या ४ मुलांचे मृतदेह आढळून आले आहेत. या सर्वांच्या मृत्युचे कारण शोधण्यासाठी मृतदेहांचे पोस्टमार्टम केले जात आहे. सध्या पोलीस या प्रकरणाच्या तपासात गुंतले आहेत. शेजाऱ्यांचीही चौकशी केली जात आहे. या घटनेमागचे कारण अद्याप समजू शकलेली नाहीत. मात्र आजूबाजूच्या नागरिकांमध्ये भीतीचे वातावरण आहे.

एका PCR कॉलवरून आज दुपारी दीड वाजेच्या सुमारास ही घटना कळली. जुन्या सीमापुरी येथील घर क्रमांक J-57 मध्ये ४-५ जण बेशुद्ध पडले आहेत, अशी माहिती मिळाली. यानंतर सीमापुरी पोलीस ठाण्याचे स्थानिक पोलीस घटनास्थळी पोहोचले. पाचव्या मजल्यावर (G+4) एकच खोली आहे. तिथे ३ मुले आणि एक महिला मृतावस्थेत आढळली. घटनास्थळी खोलीत धुराचा वास येत होता, अशी माहिती पोलिसांनी दिली.

अश्लील व्हिडिओ पाठवून 'तिने' अल्पवयीन मुलाला बोलावले अन् चार दिवसांपासून...

मोहित कालिया वय ३५ वर्षे हा पत्नी राधा वय ३० वर्षे आणि ४ मुले (२ मुली ११ वर्षे आणि ४ वर्षे), २ मुले (वय ८ वर्षे आणि ३ वर्षे) तिथे राहत होते. खोलीत त्यांची पत्नी आणि 3 मुले जागीच मृतावस्थेत आढळून आली. मोहितने सर्वांना रुग्णालयात नेले. तिथे त्याच्या सर्वात लहान मुलाला देखील मृत घोषित करण्यात आले. हा फ्लॅट शालिमार गार्डन येथून अमरपाल सिंह याने एक दिवसापूर्वी भाड्याने घेतला होता.

धक्कादायक! न्यूड डान्स, अनैसर्गिक सेक्स, सामूहिक बलात्कार... बिल्डर पतीच निघाला नराधम