उत्कृष्ट सोई-सुविधांनी युक्त आहे एअर इंडिया वन
पंतप्रधान नरेंद्र मोदी यांच्यासाठी अमेरिकेहून तयार होऊन आलेले हे खास विमान नक्कीच पाहायला पाहिजे. हे विमान अनेक उत्कृष्ट अशा वैशिष्ट्यांनी युक्त आहे. या विमानात देण्यात आलेल्या सोई-सुविधा अतिशय उत्कृष्ट अशा आहेत. हा फोटो पाहा... या फोटोत विमानाच्या आतील बसण्याची व्यवस्था स्पष्टपणे दिसत आहे. पंतप्रधान मोदी यांच्यासाठी अमेरिकेत तयार झालेले विशेष विमान बोइंग- ७७७ आज भारताच्या भूमीवर उतरले आहे. अमेरिकेच्या राष्ट्राध्यक्षांच्या एअरफोर्स वनप्रमाणे या विमानाची क्षमता आहे. आतापर्यंत पंतप्रधान इंडिया वन असे कॉल साइन असलेले बोइंग-७४७ या विमानाचा वापर करत आले आहेत.
बसण्यासाठी आरामदायक सीट
पंतप्रधानांच्या नरेंद्र मोदी यांच्या या खास विमानात बसण्यासाठी अतिशय आरामदायक अशा सीटची व्यवस्था करण्यात आलेली आहे. देशाच्या पंतप्रधानांना अनेकवेळा परदेश दौऱ्यावर जावे लागते. या दौऱ्यात त्यांना दीर्घ प्रवास देखील करावा लागतो. लांब पल्ल्याचा प्रवास लक्षात घेऊनच या विमानातील बसण्याच्या सीटची निर्मिती करण्यात आली आहे. या सीट अधिक आरामदायी आहेत. आरामदायी आसन व्यवस्था हे देखील या विमानाचे एक वैशिष्ट्य म्हणता येईल.
विमानात आहे मिटिंग रूम
पंतप्रधानांच्या या खास विमानात अतिशय उत्कृष्ट असे एक मिटिंग रूम देखील देण्यात आले आहे. या रूममध्ये बसून पंतप्रधान नरेंद्र मोदी आपली बैठक घेऊ शकणार आहेत. या विमानात वापरण्यात आलेले रंग हे देखील या विमानाचे एक वैशिष्ट्य म्हणता येईल. या विमानात पांढरा, फिक्कट निळा आणि नारंगी रंगाचा वापर करण्यात आला आहे. विमानात फिक्कट निळा आणि पांढरा रंग सर्वाधिक वापरण्यात आला आहे. नारंग हा रंग विमानाच्या मध्यमागी रेषा ओढण्यासाठी वापरण्यात आलेला आहे.
हवाईदलाचे वैमानिक चालवणार विमान
अनेक वैशिष्ट्यांनी युक्त असलेले पंतप्रधानांचे हे विमान भारतीय हवाईदलाचे वैमानिक चालवणार आहेत. अतिशय खास असलेल्या या विमानाची किंमत किती?, हा प्रश्न तुमच्या मनात नक्कीच आला असेल. या विमानाची किंमत ८,४५८ कोटी रुपये इतकी आहे. हे विमान अतिशय सुरक्षित समजले जाते. या विमानात जॅमर बसवण्यात आले आहेत. या जॅमरमुळे शत्रूंच्या रडारचे सिग्नल जॅम होतात. या विमानावर क्षेपणास्त्र हल्ल्याचा देखील परिणाम होत नाही. हे विमान हवेत इंधन भरू शकते. हे विमान अमेरिके ते भारत असा सलग प्रवास करू शकणार आहे.
३५,००० फूट उंचीवर १,०१३ किमी ताशी वेग
पंतप्रधानांचे बोइंग-७७७ हे विशेष विमान ३५ हजार फूटांच्या उंचीवर ताशी १ हजार १३ किमीच्या वेगाने उडू शकते. एकदा का या विमानाने उड्डाण केले की हे विमान सलग ६ हजार ८०० मैलाचे अंतर पार करण्यास सक्षम आहे. या विमानाची जास्तीतजास्त ४५ हजार १०० फूटांच्या उंचीवर उडण्याची क्षमता आहे. या विमानाच्या उड्डाणासाठी ताशी १,८१,००० डॉलर (सुमारे १ कोटी ३० लाख रुपये) इतका खर्च अपेक्षित आहे.