सनी देओलना करोनाचा संसर्ग, मुंबईला निघण्यापूर्वी आला रिपोर्ट पॉझिटिव्ह

शिमलाः बॉलिवूड अभिनेते आणि पंजाबमधील गुरदासपूरचे भाजप खासदार सनी देओल ( Sunny Deol) हे करोना पॉझिटिव्ह आढळून आले आहेत. (Coronavirus) हिमाचल प्रदेशचे आरोग्य सचिव अमिताभ अवस्थी यांनी ही माहिती दिली आहे. सनी देओल हे खासगी दौर्‍यावर हिमाचल प्रदेशात आले आहेत. कुल्लू जिल्ह्यातील मनाली येथील फार्म हाऊसमध्ये ते गेल्या काही दिवसांपासून थांबले आहेत.

अभिनेते सनी देओल (वय ६४ ) यांच्या खांद्यावर मुंबईत अलिकडेच शस्त्रक्रिया करण्यात आली. यानंतर काही काळ विश्रांती घेण्यासाठी ते मनाली येथील त्यांच्या फॉर्म हाऊसवर आले. गेल्या काही दिवसांपासून ते इथेत आहेत. दरम्यान, ३ डिसेंबरला सनी देओल आपल्या मित्रासह मुंबईला परत जाणार होते. पण ते आता करोना पॉझिटिव्ह आढळून आले आहेत. हिमाचल प्रदेशच्या आरोग्य सचिवांनी ही माहिती दिली.

Covid-19: 'देशातील सर्वांनाच नाही मिळणार लस', पाहा, सरकार असे का म्हणतेय?

हिमाचल प्रदेशशी सनी देओलचा यांचा अतिशय जवळचा संबंध आहे. ते अनेकदा आपला वेळ घालवण्यासाठी मनालीला येतात आहे. यावेळीही खांद्यावर झालेल्या शस्त्रक्रियेनंतर ते विश्रांतीसाठी मनालीला आले आहेत. यावेळी, त्याचे कुटुंबातील सदस्यही त्याच्याबरोबर आले. पण ते काही दिवसांपूर्वीच इथून गेले. पण आता करोना पॉझिटिव्ह आढळून आल्याने त्यांना काही दिवस तिथेच रहावं लागणार आहे. सध्या त्यांच्यावर डॉक्टरांच्या देखरेखीखाली उपचार सुरू आहेत.

करोना: देशात गेल्या २४ तासांमध्ये वाढले 'एवढे' रुग्ण, मृत्यूतही कालच्या तुलनेत वाढ