गर्लफ्रेंडने रात्री घरी बोलावलं, कुटुंबाला कळताच भयंकर घडलं; पत्नी म्हणते...

लखनऊ: प्रेयसीला भेटायला तिच्या घरी जाणं एका प्रियकराच्या जीवावर बेतलं आहे. उत्तर प्रदेशातील सीतापूरमध्ये हत्येची एक धक्कादायक घटना घडली आहे. येथे प्रेयसीच्या भावाने आणि वडिलांनी मिळून प्रियकराची गोळ्या झाडून हत्या केली. तयानंतर त्यांनी त्या प्रियकराचा मृतदेह रस्त्याच्या मधोमध फेकून दिला.

याप्रककरणाची माहिती मिळताच पोलिसांनी तात्काळ घटनास्थळ गाठलं आणि मृतदेह ताब्यात घेऊन शवविच्छेदनासाठी रुग्णालयात पाठवण्यात आला. पोलिसांनी प्रेयसीच्या नातेवाईकांविरुद्ध खुनाचा गुन्हा दाखल केला आहे.

बॉयफ्रेंडसोबतच्या नात्यात चिमुकल्याचा अडथळा; आईने आपल्या हातांनीच ४ वर्षांच्या मुलाला संपवलं
रात्री प्रेयसीला भेटायला गेला, घरच्यांना कळलं अन् सारंच संपलं

तौसिफ या २८ वर्षीय तरुणाचं त्याच्याच गावातील एका तरुणीसोबत प्रेमसंबंध होते. मंगळवारी रात्री अकराच्या सुमारास तौसिफ हा त्याच्या प्रेयसीला भेटण्यासाठी तिच्या घरी गेला होता. जेव्हा हे तिच्या घरच्यांना कळालं तेव्हा ते संतापले. त्यांनी काहीही विचार न करता थेट तौसिफवर गोळ्या झाडल्या. यामध्ये त्याचा मृत्यू झाला. त्यानंतर त्याचा मृतदेह घरापासून १०० मीटर अंतरावर रस्त्याच्या मधोमध फेकून दिला.

विवाहित असून तरुणीशी विवाहबाह्य प्रेमसंबंध

तौसिफ हा विवाहित होता. त्याला दोन मुलं देखील होती. त्याचा खून झाल्यानंतर त्याच्या पत्नीने पोलीस ठाण्यात गुन्हा दाखल केला आहे. त्याची पत्नी तरन्नुमने पोलिसांना सांगितले की, रात्री अकराच्या सुमारास त्या तरुणीचा फोन आला होता. त्यामुळे तौसिफ तिच्या घरी गेला. त्यानंतर रात्री १२ वाजण्याच्या सुमारास पुन्हा त्या तरुणीचा तौसिफच्या चुलत भावाला फोन आला. तिने तौसिफच्या हत्येची माहिती दिली आणि मृतदेह घरापासून १०० मीटर अंतरावर फेकून देण्यात आल्याचं सांगितले.

बिल हजारांचं टीप लाखांची; एका क्षणात महिला वेटरचं नशिब बदललं; आता प्लान करतेय...
प्रेयसीच्या कुटुंबियांविरोधात गुन्हा दाखल, चौघे ताब्यात

त्यानंतर तरन्नुमने याप्रकरणी त्या तरुणीचे वडील, ३ भाऊ आणि अन्य एका विरोधात पोलिसांत तक्रार दाखल केली आहे. प्रेमप्रकरणातून ही हत्या करण्यात आली असून याप्रकरणी चौघांना ताब्यात घेऊन चौकशी सुरु असल्याचं पोलिसांनी सांगितलं आहे.