नवरीच झाली क्वारंटाइन, लग्नाच्या हॉल एकटीच आढळली पॉझिटिव्ह

वलसाडः करोना व्हायरसच्या प्रादुर्भावाने अनेकांच्या आयुष्यावर मोठा आघात झाला आहे. करोनाने अशीच एक मोटी घटना गुजरातमध्ये समोर आली आहे. लग्नानंतर नवरी तिच्या सासरी जाण्याऐवजी तिला क्वारंटाइन व्हावं लागलं.

ही घटना गुजरातमधील वलसाडची आहे. एक तरुणी मुंबईत आपल्या लग्नाचं शॉपिंग करायला गेली होती. तिथून परत आली आणि तिच्या लग्न सोहळ्यात व्यग्र झाली. या दरम्यान, काही दिवसांपूर्वी एक तरूणी मुंबईला गेली होती, अशी माहिती आरोग्य विभागाला मिळाली. यानंतर आरोग्य विभागाचं पथक तिच्या तपासणीसाठी पोहोचल्यावर तिचं लग्न झाल्याचं त्यांना समजलं.

करोनावरील लस कुठेपर्यंत आली? PM मोदींचा आज पुणे, अहमदाबाद आणि हैदराबादचा दौरा

सुशील मोदींना राज्यसभेची उमेदवारी, केंद्रात स्थान मिळण्याची शक्यता

लग्नाचं वऱ्हाड महाराष्ट्रातून आलं होतं. अशा परिस्थितीत आरोग्य विभागाचं पथक मॅरेज हॉलमध्ये पोहोचलं आणि तिथे उपस्थित पाहुण्यांची चाचणी घेतली. पण या कोरोना चाचणीत नवरी वगळता इतर सर्वांचे रिपोर्ट निगेटिव्ह आले. फक्त नवरीचा करोना चाचणी रिपोर्ट पॉझिटिव्ह आला. यानंतर तिला आणि तिच्या वडिलांना क्वारंटाइन करण्यात आलंय.