मटा ऑनलाइन वृत्त । नवी दिल्ली
जम्मू-काश्मीरमधील दहशतवादी कारवायांत सामील असलेला लष्कर-ए-तोयबाचा हस्तक संदीप शर्मा उर्फ अदिलला पोलिसांनी सोमवारी अटक केली आहे. या कारवाईबद्दल त्याच्या भावाला विचारलं असता, त्यानं जराही किंतु-परंतु न करता, अदिलला हवी ती शिक्षा देण्यास सांगितलं.
संदीपचा दहशतवादी कारवायांशी संबंध असेल, तर त्याला गोळी घाला किंवा फाशी द्या, आमची काहीच हरकत नाही, अशी प्रतिक्रिया प्रवीण शर्मानं व्यक्त केली. प्रवीण हरिद्वारमध्ये टॅक्सी चालवतो. संदीपच्या अटकेनंतर पोलीस त्याच्या कुटुंबीयांची चौकशी करत आहेत. त्यावेळी, संदीप दोषी असल्यास त्याला अजिबात दयामाया न दाखवण्याचा पवित्रा कुटुंबानं घेतला आहे.
गेल्या चार वर्षांपासून पोलीस अदिलला शोधत होते. काश्मीरमध्ये गेल्या महिन्यात झालेल्या तीन दहशतवादी कारवायांत संदीप शर्मा उर्फ अदिल याचा हात होता. १६ जूनला दक्षिण काश्मीरमध्ये केलेल्या हल्ल्यात सहा पोलिस हुतात्मा झाले होते. संदीपबरोबरच आणखी एकाला दहशतवादी कारवायासाठी अटक करण्यात आली आहे. त्याचे नाव मुनीब शाह असून तो कुलगाम येथील रहिवासी आहे. हे दोघेही लष्कर-ए-तोयबाच्या कमांडरच्या आदेशानुसार काम करीत होते. त्याने दहशतवादी कारवायांच्या समर्थनार्थ तसेच पैशांसाठी अनेक एटीएम लुटण्याचा प्रयत्न केला होता.
जम्मू-काश्मीरमधील दहशतवादी कारवायांत सामील असलेला लष्कर-ए-तोयबाचा हस्तक संदीप शर्मा उर्फ अदिलला पोलिसांनी सोमवारी अटक केली आहे. या कारवाईबद्दल त्याच्या भावाला विचारलं असता, त्यानं जराही किंतु-परंतु न करता, अदिलला हवी ती शिक्षा देण्यास सांगितलं.
संदीपचा दहशतवादी कारवायांशी संबंध असेल, तर त्याला गोळी घाला किंवा फाशी द्या, आमची काहीच हरकत नाही, अशी प्रतिक्रिया प्रवीण शर्मानं व्यक्त केली. प्रवीण हरिद्वारमध्ये टॅक्सी चालवतो. संदीपच्या अटकेनंतर पोलीस त्याच्या कुटुंबीयांची चौकशी करत आहेत. त्यावेळी, संदीप दोषी असल्यास त्याला अजिबात दयामाया न दाखवण्याचा पवित्रा कुटुंबानं घेतला आहे.
गेल्या चार वर्षांपासून पोलीस अदिलला शोधत होते. काश्मीरमध्ये गेल्या महिन्यात झालेल्या तीन दहशतवादी कारवायांत संदीप शर्मा उर्फ अदिल याचा हात होता. १६ जूनला दक्षिण काश्मीरमध्ये केलेल्या हल्ल्यात सहा पोलिस हुतात्मा झाले होते. संदीपबरोबरच आणखी एकाला दहशतवादी कारवायासाठी अटक करण्यात आली आहे. त्याचे नाव मुनीब शाह असून तो कुलगाम येथील रहिवासी आहे. हे दोघेही लष्कर-ए-तोयबाच्या कमांडरच्या आदेशानुसार काम करीत होते. त्याने दहशतवादी कारवायांच्या समर्थनार्थ तसेच पैशांसाठी अनेक एटीएम लुटण्याचा प्रयत्न केला होता.