जम्मू-काश्मीरः पाकच्या गोळीबारात जवान शहीद

मटा ऑनलाइन वृत्त । श्रीनगर

भारतीय सीमेवर पाकिस्तानकडून शस्त्रसंधीचं उल्लंघन सुरूच असून काश्मीरच्या आरएस पुरा सेक्टरमध्ये पाकिस्तानने शस्त्रसंधीचं उल्लंघन करीत केलेल्या गोळीबारात सीमा सुरक्षा दल (बीएसएफ) चा एक जवान शहीद झाला.

बॉर्डर सिक्यॉरिटी फोर्स रूमकडून मिळालेल्या माहितीनुसार, रात्री १२ वाजून २५ मिनिटांनी पाकिस्तानकडून गोळीबार करण्यात आला. या गोळीबारात बीएसएफचा जवान हवालदार ब्रिजेंद्र बहादूर सिंह शहीद झाला. अरनिया परिसरात झालेल्या गोळीबारात सिंह गंभीर जखमी झाला होता. सिंहना जखमी अवस्थेत उपचारासाठी हॉस्पिटलमध्ये दाखल करण्यात आले परंतु त्याचा मृत्यू झाला. मीडिया रिपोर्ट्सनुसार, या गोळीबारात एक नागरिकही जखमी झाला आहे.

BSF Constable Brijendra Bahadur Singh killed in firing by Pakistan in Arnia area of Jammu and Kashmir's RS Pura, one civilian injured. pic.twitter.com/zOgaYp3ekv — ANI (@ANI) September 15, 2017
पाकिस्तानकडून सतत शस्त्रसंधीचं उल्लंघन होत आहे. एका टीव्ही रिपोर्ट्सनुसार, वर्षभरात ५२ जवान शहीद झाले आहेत. पाकिस्तानच्या गोळीबाराला भारतानेही जोरदार प्रत्युत्तर दिले आहे. प्रत्युत्तरात केलेल्या कारवाईत पाकिस्तानच्या चौक्या उद्धवस्थ झाल्या आहेत. परंतु तरीही पाकिस्तानकडून शस्त्रसंधीचं उल्लंघन करण्यात येत आहे.