वृत्तसंस्था, जम्मू
पाकिस्तानकडून शस्त्रसंधीचे उल्लंघन सुरूच असून लष्कराच्या कथुआ आणि पूँछ येथील चौक्यांना; तसेच गावांना लक्ष्य करून पाकिस्तानी सैन्याकडून उखळी तोफांचा मारा करण्यात आला. सोमवारी रात्री आठच्या सुमारास झालेल्या या हल्ल्यात जखमी झालेल्या दोघांमध्ये भारताच्या सीमा सुरक्षा बलाचा (बीएसएफ) एक जवानाचा समावेश आहे.
सीमेपलीकडून केला गेलेला मारा सीमेलगतच्या शहापूर, रिकनी व कसबा विभागांत सर्वाधिक झाला. ही तिन्ही क्षेत्रे
हवालदार अभिषेक रॉय असे जखमी जवानाचे नाव आहे. कठुआ जिल्ह्यातील हिरानगर सेक्टरमधील मनयारी येथील चौकीत ते नियुक्त होते. भारतीय लष्करानेही पाकला जोरदार प्रत्युत्तर दिले. ही चकमक मंगळवारी पहाटे ३.२५ पर्यंत सुरू होती. रॉय यांची प्रकृती स्थिर आहे.
..
अधिकाऱ्यांच्या बदल्या
इस्लामाबाद ः पाकिस्तानने मंगळवारी काही महत्त्वाच्या राजनैतिक अधिकाऱ्यांच्या बदल्या केल्या. त्यांमध्ये संयुक्त राष्ट्रातील स्थायी प्रतिनिधी पदावरून मलिहा लोधी यांना काढून त्या जागी मुनीर अक्रम यांची नियुक्ती करण्यात आली आहे.
पाकिस्तानचे पंतप्रधान इम्रान खान अमेरिका दौऱ्यावरून परतल्यानंतर लगेचच या बदल्या करण्यात आल्या. परराष्ट्र खात्यातर्फे मंगळवारी पत्रकाद्वारे या फेरबदलांची माहिती प्रसिद्ध करण्यात आली.