reservation: सवर्णांनाही आरक्षण द्या: मायावती

लखनऊ:

बहुजन समाज पार्टीच्या सर्वेसर्वा मायावती यांनी मुस्लिमांपाठोपाठ सवर्णांनाही आरक्षण देण्याची मागणी केली आहे. धार्मिक अल्पसंख्यांकांना आर्थिक आधारावर आरक्षण देण्यासाठी संविधान दुरुस्तीचं विधेयक आणल्यास त्याला बसपा पाठिंबा देईल, असं मायावतींनी स्पष्ट केलं आहे.

सर्वसमाजातील उच्चवर्णीय गरिबांना आणि धार्मिक अल्पसंख्यांकांनाही आर्थिक आधारावर आरक्षण दिलं पाहिजे. त्यासाठी संविधान दुरुस्ती करायला हवी. संविधान दुरुस्तीचं विधेयक संसदेत आणल्यास आम्ही त्याला पाठिंबा देऊ. सवर्णांमधील गरिबांना आर्थिक निकषावर आरक्षण देण्यासाठी आम्ही नेहमीच प्रयत्न केला आहे, असंही मायावती यांनी सांगितलं. दरम्यान, सवर्ण आणि मुस्लिमांमधील गरिबांना आर्थिक आधारावर आरक्षण देण्यासाठी मायावतींनी उत्तर प्रदेशच्या मुख्यमंत्री असताना केंद्र सरकारला चिठ्ठी लिहिली होती.