अ‍ॅपशहर

बसपा नेता 'झिंगाट'; म्हणे 'ताडी' प्यायल्यानं करोनापासून बचाव

Bheem Rajbhar on Coronavirus : ताडी प्यायल्यानं करोना संक्रमणापासून वाचता येऊ शकतं, असा अजब दावा बहुजन समाज पक्षाचे अध्यक्ष भीम राजभर यांनी केलाय. ते एका जाहीर सभेत बोलत होते.

महाराष्ट्र टाइम्स.कॉम 23 Dec 2020, 12:19 pm
बलिया : करोना संकटादरम्यान उत्तर प्रदेशातील बहुजन समाज पक्षाचे अध्यक्ष भीम राजभर चर्चेत आलेत. राजभर यांनी करोना संकट दूर ठेवण्यासाठी एक गजब पण वादग्रस्त उपाय सुचवल्यानंतर ते चर्चेचा विषय ठरलेत. नागरिकांनी देशी दारु 'ताडी' जास्त प्रमाणात घेतली तर ते करोना विषाणूपासून स्वत:चं संरक्षण करू शकतात, असा दावा बसपाचे नेते भीम राजभर यांनी केलाय.
महाराष्ट्र टाइम्स.कॉम bhim rajbhar
भीम राजभर (फाईल फोटो)


'ताडी'चा एक एक थेंब गंगेच्या पाण्याहून शुद्ध आणि पवित्र असल्याचंही त्यांनी म्हटलंय. तसंच 'ताडी'मुळे रोगप्रतिकारक क्षमता वाढते, असंही राजभर यांचं म्हणणं आहे.

उत्तर प्रदेशातील बलियामध्ये आयोजित करण्यात आलेल्या बहुजन समाज पक्षाच्या एका जाहीर कार्यक्रमात ते बोलत होते.

दहशत! ब्रिटनहून भारतात दाखल झालेले २१ प्रवासी करोना संक्रमित ब्रिटनमध्ये झपाट्याने पसरणारा नवीन करोना अद्याप भारतात आढळलेला नाही: केंद्र सरकार
'लोकांनी ताडी जास्त प्रमाणात घेतली तर करोना व्हायरस त्यांच्यापर्यंत पोहचूही शकणार नाही. राजभर समाजात मुलांचं बालपण ताडी बनवण्यापासून सुरू होतं' असं म्हणणारे राजभर आता वादात सापडलेत.

'ताडी' करोनापासून वाचण्यासाठी कशी मदत करू शकते? याचं मात्र कोणतंही प्रमाणपत्र किंवा वैद्यकीय पुरावा राजभर यांना देता आलेला नाही.

यावर, सुहेलदेव भारतीय समज पक्षाचे अध्यक्ष आणि उत्तर प्रदेशचे माजी मंत्री ओमप्रकाश राजभर यांनी जोरदार टीका केलीय. 'काही लोक बाष्कळ बडबड करून राजभर समाजाच्या लोकांची दिशाभूल करण्याचा प्रयत्न करत आहेत. जनतेनं अशा लोकांपासून सावध राहायला हवं. समाजतल्या अशा लोकांना बसपानं डोक्यावर बसवलंय' असं म्हणत त्यांनी भीम राजभर आणि बसपावर तोंडसुख घेतलं.

वाचा : नवा करोना विषाणू : केंद्रानं जाहीर केली नवी नियमावली
वाचा : नवीन करोना व्हायरस किती धोकादायक? AIIMS संचालकांनी सांगितलं...

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज