कागद टाकला की हातात नोट! बीटेक-पीएचडीच्या विद्यार्थ्यांचं खतरनाक डोकं, टेकनिक पाहून चक्रवाल...

नवी दिल्ली : पैसे काही झाडाला लागत नाही असं आपण सहज म्हणतो. पण दोन उच्चशिक्षित तरुणांनी थेट घरातच पैसे छापल्याची घटना समोर आली आहे. गरिबीवर मात करण्यासाठी कानपूरच्या काही सुशिक्षित मुलांनी असा मार्ग वापरला की ज्यावर तुमचा विश्वास बसणार नाही. पैशाच्या हव्यासापोटी या तरुणांनी थेट आपल्या घरातच नोटा छापायला सुरुवात केली.

मिळालेल्या माहितीनुसार, आपल्या गरजेनुसार, तरुणांनी १००,२०० आणि ५०० च्या नोटा घरातच छापल्या. जेव्हा गरज असले तेव्हा घरात ठेवलेल्या मशीनमधून नोट प्रिंट करायची आणि ती वापरायची असा खेळ या मुलांचा सुरू होता. जेव्हा या घटनेचा उलगडा झाला तेव्हा सगळ्यांनाच धक्का बसला. या मुलांनी हे कसं केलं? वाचा...

Crime Diary : नदीतून निघाले एकामागे एक मृतदेह, पोलिसांना वाटली आत्महत्या; तपासात उलगडलं ७ जणांच्या हत्येचं गूढ

घरीच नोटा छापण्याची मशीन....

ही गोष्ट ऐकायला तुम्हाला थोडी विचित्र वाटत असेल पण कानपूरचे ३ मित्र अनेक दिवसांपासून नोटा छापण्याच्या धंद्यात उतरले होते. तिन्ही मुलं शिकलेली होती. यामध्ये एकाने पीएचडी तर दोघांनी बी.टेक केल्याची माहिती आहे. सौरभ सिंग, विमल सिंग अशी दोन मित्रांची नाव असून त्यांच्यासोबत आणखी एक मित्र होता. तिघांनी शिक्षण पूर्ण केलं पण त्यानंतर पैशांची खूप गरज होती. खूप पैसा कमावण्याची इच्छा होती. पण कसं? खरंतर, तिघेही कमाईचा चांगला मार्ग निवडू शकत होते. पण त्यांनी अशा चुकीच्या पद्धतीने पैसा कमावण्याचा मार्ग शोधला

शिकलेली मुलं छापू लागली बनावट नोटा...

आपल्या शिक्षणाचा आणि हुशारीचा वापर करुन या तीन मित्रांनी आरबीआयमध्ये छापल्या जाणाऱ्या नोटा हुबेहूब छापू शकणारं मशीन तयार केलं. यामध्ये साधा कागद टाकायचा आणि थेट नोट हातामध्ये यायची. यामुळे काहीही काम करण्याची गरज नव्हती. वाटेल तेव्हा आणि गरज पडेल तेव्हा हे तिघे नोटा छापत होते. असं करत त्यांनी मशीनवर नोटा छापण्यास सुरुवात केली. महत्त्वाचं म्हणजे या नोट्या इतक्या खऱ्या दिसत होत्या की सामान्य माणूस सहज यामध्ये फसत होता.

भारताला मिळालेल्या खजिन्याबद्दल आलं मोठं सत्य समोर, आता पुढे काय होणार...

छापा टाकताच ४ लाख ६७ हजारांच्या बनावट नोटा जप्त...

अखेर घरात बनावट नोटा छापत असल्याची खबर शेजाऱ्यांना मिळाली आणि हीच माहिती पोलिसांपर्यंत पोहोचली. अखेर पोलिसांनी कट रचून घरावर छापा टाकला. घरात जाताच सगळे हादरले. पोलिसांनी या तिन्ही मुलांकडून एकूण ४ लाख ६७ हजारांच्या नोटा जप्त केल्या आहेत. तर यांनी याआधी किती नोटा छापल्या याचाही पोलीस शोध घेत असल्याची माहिती आहे.

२००० नोटा छापल्या नाहीत, कारण...

या तिघांनी नोटा छापण्यासंबंधी पूर्ण अभ्यास केला होता. त्यांनी आधी १००, २०० आणि ५०० च्या नोटा छापण्यास सुरुवात केली. पण हे २००० ची नोट छापण्यास टाळत होते. कारण, मोठ्या नोटा छापल्या तर पकडले जाण्याची भीती त्यांना होती.

Crime Diary: भेटताच एकमेकांच्या खूप जवळ आले; प्रेयसीने कडकडून दिला लव्ह बाइट, अन् सुरू झाला शेवट...

YouTube वरून शिकले नोटा छापण्याची टेकनिक...

तुम्हाला हे वाचून धक्का बसेल पण या तिघांनी युट्यूबच्या माध्यमातून नोटा छापण्याचं काम शिकलं. यामध्ये त्यांनी आपल्या शिक्षणाचा उपयोग करत नोटा छापण्याची मशीन तयार केली आणि हा गुन्हेगारीचा मार्ग निवडला. अखेर या प्रकरणी पोलिसांना तिघांनाही अटक केली असून मशिनही ताब्यात घेतली आहे. तर पुढील तपास पोलीस करत असल्याची माहिती आहे.