नवी दिल्ली : गोव्याचे दिवंगत मुख्यमंत्री मनोहर पर्रीकर यांच्या निधनामुळे रिक्त झालेल्या पणजी विधानसभा मतदारसंघात येत्या १९ मे रोजी पोडनिवडणूक होणार आहे. निवडणूक आयोगाने मंगळवारी ही घोषणा केली. याशिवाय तमिळनाडूतील चार आणि कर्नाटकातील एका विधानसभा मतदारसंघातही निवडणूक आयोगाने पोटनिवडणूक जाहीर केली आहे. या सर्व सहा पोडनिवडणुकांसाठी २२ एप्रिलला अधिसूचना जारी केली जाणार आहे. त्यानंतर नामांकनाची प्रक्रिया सुरू होईल. लोकसभा निवडणुकीच्या शेवटच्या टप्प्यासोबत १९ मे रोजी या पोटनिवडणुकांचे मतदान होईल. लोकसभा निवडणुकीच्या मतमोजणीच्या दिवशी म्हणजे २३ मे रोजी या निवडणुकांचे निकाल जाहीर होतील.
पर्रीकरांच्या मतदारसंघात १९ मे रोजी पोटनिवडणूक
गोव्याचे दिवंगत मुख्यमंत्री मनोहर पर्रीकर यांच्या निधनामुळे रिक्त झालेल्या पणजी विधानसभा मतदारसंघात येत्या १९ मे रोजी पोडनिवडणूक होणार आहे...
MT 10 Apr 2019, 4:00 am