coronavirus india : लाल मुंग्यांच्या चटणीने करोना बरा होतो? सुप्रीम कोर्टात झाली सुनावणी

नवी दिल्लीः लाल मुंग्यांच्या चटणीने ( red ant chutney ) करोना रुग्ण बरा होतो, हे प्रकरण सुप्रीम कोर्टापर्यंत ( supreme court ) गेलं. लाल मुंग्यांच्या चटणीचा उपयोग हा करोना संसर्ग झालेल्या रुग्णांच्या उपचारात करावा, अशी मागणी सुप्रीम कोर्टात एका याचिकेतून करण्यात आली होती. करोनावरील उपचारासाठी लाल मुंग्यांच्या चटणीचा उपयोग ( Red Ant Chutney For Covid-19 ) करण्याचे निर्देश देणार नाही. ही पारंपरिक आणि घरगुती उपचार पद्धती आहे. ती संपूर्ण देशासाठी लागू करणार नाही, असं कोर्टाने स्पष्ट केलं.

वेगवेगळ्या आजारांवरील उपचारासाठी अनेक पारंपरिक उपचार पद्धती आहेत. एवढचं नव्हे तर घरांमध्येही पारंपरिक उपचाराची माहिती आहे. अशा प्रकारच्या उपाचर पद्धतीचा उपयोग आधी स्वतःवर कराव लागतो. त्याचे जे काही परिणाम येतात, त्याचा सामना स्वतः करायचा असतो. पण करोनाच्या उपचारात लाल मुंगच्यांच्या चटणीचा उपयोग हा संपूर्ण देशासाठी लागू करणार नाही, असं सुप्रीम कोर्टाचे न्यायमूर्ती डी. वाय. चंद्रचूड म्हणाले.

सुप्रीम कोर्टाने याचिकाकर्ते एन. पढियाल यांची याचिका फेटाळून लावली. तसंच त्यांना लस घेण्याची सूचनाही केली. याचिकाकर्ते पढियाल हे ओडिशातील एका आदिवासी समाजातील आहेत. ओडिशा हायकोर्टाने पढियाल यांची याचिका फेटाळून लावली. हायकोर्टाच्या या निर्णयला सुप्रीम कोर्टात आव्हान देण्यात आलं होतं, असं याचिकाकर्त्याच्या वकिलाने सांगितलं.

covid vaccine : करोनाची लस ठरली वरदान! मृत्यू रोखण्यास पहिला डोस ९६ टक्के, तर दुसरा डोस ९७ ट

याचिकेत काय म्हटलं?

हे प्रकरण इथेच संपवायला हवं. या प्रकरणी दाखल याचिकेवर सुनावणी करणार नाही. यामुळे याचिका फेटाळून लवाण्यात येत आहे, असं सुप्रीम कोर्टाने स्पष्ट केलं. लाल मुंग्यांच्या चटणीत लाल मुंग्या आणि हिरवी मिरची असते. या चटणीचा उपयोग हा पारंपरिक पद्धतीने आदिवासी भागांमध्ये औषध म्हणून केला जातो. फ्लू, कफ, सर्दी आणि श्वास घेण्यास त्रास होत असल्यास या चटणीचा उपयोग केला जोता. ओडिशा आणि छत्तीसगडच्या काही भागांममध्ये ही चटणी औषधी म्हणून वापरली जाते. लाल मुंगीचा औषधी उपयोग महत्त्वपूर्ण आहे. लाल मुंगीत फॉर्मिक अॅसिड, प्रोटीन, कॅल्शियम, व्हिटामीन बी १२ आणि झिंक असते. यामुळे करोना बरा होऊ शकतो, असा दावा याचिकाकर्ते एन. पढियाल यांनी केला आहे.

supreme court : मंदिराच्या संपत्तीवर देवतांचा मालकी हक्क, पुजारी फक्त व्यवस्थापकः सुप्रीम कोर्ट