वृत्तसंस्था, नवी दिल्ली
कलंकित माजी कॉर्पोरेट अफेअर्स महासंचालक बी. के. बन्सल आणि त्यांचे पुत्र योगेश यांनी आपल्या आत्महत्येला सीबीआयकडून करण्यात येणारी छळवणूक जबाबदार असल्याचे आत्महत्येपूर्वी लिहिलेल्या पत्रात म्हटले आहे.
सीबीआयचे उपमहासंचालक, दोन महिला अधिकारी आणि एक लठ्ठ हवालदार यांनी आपल्या पत्नीचा आणि मुलीचा छळ केला, त्यामुळे त्या दोघींनी जुलैमध्ये आत्महत्या केली होती, असे बन्सल पिता-पुत्रांनी आत्महत्येपूर्वी लिहिलेल्या पत्रात नमूद केले आहे. बन्सल यांनी सात पानी पत्र लिहिले असून, योगेश यांनी दोन पानी पत्र लिहिले आहे. त्या दोन्हींवर २६ सप्टेंबर अशी तारीख लिहिलेली आहे. आपल्या पत्नीने व मुलीने आपल्या छळासंबंधातील माहिती मैत्रिणी व नातेवाइकांना सांगितली होती. आपण सत्तेवरील पक्षाच्या राजकीय नेत्याचे जवळचे असून, बन्सल यांना काय करायचे आहे, ते त्यांनी करावे, अशी धमकी सीबीआयच्या उपमहासंचालकांनी दिली होती, असेही त्यांनी पत्रात नमूद केले आहे. दरम्यान, बन्सल यांनी केलेल्या आरोपाबाबत चौकशी करण्यासाठी समितीची स्थापना करण्यात आली असून, त्यासंदर्भात न्यायालयासमोर माहिती दिली जाणार आहे.
बन्सल यांना एका औषध कंपनीकडून लाच स्वीकारण्याच्या आरोपावरून १६ जुलैला अटक करण्यात आली होती. त्यानंतर केवळ तीनच दिवसांनी त्यांची पत्नी आणि मुलीने आत्महत्या केली होती. बन्सल पिता-पुत्राने आपल्या दिल्ली येथील निवासस्थानी मंगळवारी (२७ सप्टेंबर) गळफास घेऊन आत्महत्या केली. बन्सल पिता-पुत्रावर बुधवारी हिसार येथे अंत्यसंस्कार करण्यात आले.
कलंकित माजी कॉर्पोरेट अफेअर्स महासंचालक बी. के. बन्सल आणि त्यांचे पुत्र योगेश यांनी आपल्या आत्महत्येला सीबीआयकडून करण्यात येणारी छळवणूक जबाबदार असल्याचे आत्महत्येपूर्वी लिहिलेल्या पत्रात म्हटले आहे.
सीबीआयचे उपमहासंचालक, दोन महिला अधिकारी आणि एक लठ्ठ हवालदार यांनी आपल्या पत्नीचा आणि मुलीचा छळ केला, त्यामुळे त्या दोघींनी जुलैमध्ये आत्महत्या केली होती, असे बन्सल पिता-पुत्रांनी आत्महत्येपूर्वी लिहिलेल्या पत्रात नमूद केले आहे. बन्सल यांनी सात पानी पत्र लिहिले असून, योगेश यांनी दोन पानी पत्र लिहिले आहे. त्या दोन्हींवर २६ सप्टेंबर अशी तारीख लिहिलेली आहे. आपल्या पत्नीने व मुलीने आपल्या छळासंबंधातील माहिती मैत्रिणी व नातेवाइकांना सांगितली होती. आपण सत्तेवरील पक्षाच्या राजकीय नेत्याचे जवळचे असून, बन्सल यांना काय करायचे आहे, ते त्यांनी करावे, अशी धमकी सीबीआयच्या उपमहासंचालकांनी दिली होती, असेही त्यांनी पत्रात नमूद केले आहे. दरम्यान, बन्सल यांनी केलेल्या आरोपाबाबत चौकशी करण्यासाठी समितीची स्थापना करण्यात आली असून, त्यासंदर्भात न्यायालयासमोर माहिती दिली जाणार आहे.
बन्सल यांना एका औषध कंपनीकडून लाच स्वीकारण्याच्या आरोपावरून १६ जुलैला अटक करण्यात आली होती. त्यानंतर केवळ तीनच दिवसांनी त्यांची पत्नी आणि मुलीने आत्महत्या केली होती. बन्सल पिता-पुत्राने आपल्या दिल्ली येथील निवासस्थानी मंगळवारी (२७ सप्टेंबर) गळफास घेऊन आत्महत्या केली. बन्सल पिता-पुत्रावर बुधवारी हिसार येथे अंत्यसंस्कार करण्यात आले.