नवी दिल्ली:
पंजाब नॅशनल बँकेतील कोट्यवधींचा घोटाळा ताजा असतानाच, पेनची निर्मिती करणाऱ्या रोटोमॅक कंपनीचा तब्बल ८०० कोटींचा घोटाळा समोर आला आहे. गुन्हे अन्वेषण विभागानं (सीबीआय) कंपनीचा व्यवस्थापकीय संचालक विक्रम कोठारीभोवती कारवाईचा फास आवळला आहे. त्याच्याविरोधात गुन्हा दाखल करण्यात आला असून, कोठारीसह पत्नी आणि मुलाला ताब्यात घेतलं आहे. त्यांची कसून चौकशी सुरू आहे.
कोठारीनं अलाहाबाद बँक, बँक ऑफ इंडिया, बँक ऑफ बडोदा, इंडियन ओव्हरसीज बँक आणि युनियन बँक ऑफ इंडियाकडून ८०० कोटी रुपयांचं कर्ज घेतलं होतं. युनियन बँक ऑफ इंडिया आणि अलाहाबाद बँकेच्या सूत्रांनी दिलेल्या माहितीनुसार, कोठारीनं व्याज किंवा कर्जाची रक्कमही परत केली नाही. नियमांना 'हरताळ' फासून कोठारीला कर्ज देण्यात आल्याचं सांगण्यात येत आहे. त्यानं युनियन बँकेतून ४८५ कोटी, तर अलाहाबाद बँकेतून ३५२ कोटी रुपयांचं कर्ज घेतलं आहे. हा कर्जघोटाळा उघडकीस आल्यानंतर कोठारी अटक टाळण्यासाठी देशातून पसार झाल्याचं वृत्त धडकलं होतं. मात्र, मी कानपूरमध्येच असून, कुठेही पळालेलो नाही, असं कोठारीनं स्पष्ट केलं.
दरम्यान, सीबीआयनं काल मध्यरात्री एक वाजताच कोठारीच्या घरावर छापेमारी केली. तसेच कोठारीविरुद्ध गुन्हा दाखल केला. त्याच्यासह पत्नी आणि मुलाला ताब्यात घेतलं असून कसून चौकशी करण्यात येत आहे. मात्र, अद्याप अटक करण्यात आलेली नाही, असं सांगण्यात येत आहे.
पंजाब नॅशनल बँकेतील कोट्यवधींचा घोटाळा ताजा असतानाच, पेनची निर्मिती करणाऱ्या रोटोमॅक कंपनीचा तब्बल ८०० कोटींचा घोटाळा समोर आला आहे. गुन्हे अन्वेषण विभागानं (सीबीआय) कंपनीचा व्यवस्थापकीय संचालक विक्रम कोठारीभोवती कारवाईचा फास आवळला आहे. त्याच्याविरोधात गुन्हा दाखल करण्यात आला असून, कोठारीसह पत्नी आणि मुलाला ताब्यात घेतलं आहे. त्यांची कसून चौकशी सुरू आहे.
कोठारीनं अलाहाबाद बँक, बँक ऑफ इंडिया, बँक ऑफ बडोदा, इंडियन ओव्हरसीज बँक आणि युनियन बँक ऑफ इंडियाकडून ८०० कोटी रुपयांचं कर्ज घेतलं होतं. युनियन बँक ऑफ इंडिया आणि अलाहाबाद बँकेच्या सूत्रांनी दिलेल्या माहितीनुसार, कोठारीनं व्याज किंवा कर्जाची रक्कमही परत केली नाही. नियमांना 'हरताळ' फासून कोठारीला कर्ज देण्यात आल्याचं सांगण्यात येत आहे. त्यानं युनियन बँकेतून ४८५ कोटी, तर अलाहाबाद बँकेतून ३५२ कोटी रुपयांचं कर्ज घेतलं आहे. हा कर्जघोटाळा उघडकीस आल्यानंतर कोठारी अटक टाळण्यासाठी देशातून पसार झाल्याचं वृत्त धडकलं होतं. मात्र, मी कानपूरमध्येच असून, कुठेही पळालेलो नाही, असं कोठारीनं स्पष्ट केलं.
दरम्यान, सीबीआयनं काल मध्यरात्री एक वाजताच कोठारीच्या घरावर छापेमारी केली. तसेच कोठारीविरुद्ध गुन्हा दाखल केला. त्याच्यासह पत्नी आणि मुलाला ताब्यात घेतलं असून कसून चौकशी करण्यात येत आहे. मात्र, अद्याप अटक करण्यात आलेली नाही, असं सांगण्यात येत आहे.