प्रफुल्ल पटेलांची सीबीआय चौकशी

नवी दिल्ली : राष्ट्रवादी कॉँग्रेसचे ज्येष्ठ नेते आणि माजी केंद्रीय नागरी हवाई उड्डाणमंत्री प्रफुल्ल पटेल गुरुवारी केंद्रीय अन्वेषण विभागासमोर चौकशीसाठी हजर राहिले. दीपक तलवार याच्याशी कथित संबंधाच्या संशयावरून पटेल यांची चौकशी सुरू आहे. दीपक तलवार यांनी परदेशी विमान कंपन्यांसाठी लॉबिंग केले होते, त्याचा फटका एअर इंडियाला बसल्याचा ठपका आहे. २००४-२०११ या काळात पटेल केंद्रात नागरी हवाई उड्डाण मंत्री म्हणून कार्यरत असताना हा आर्थिक घोटाळा झाल्याचा संशय आहे. या प्रकरणी चौकशीला समोरे जाण्यासाठी पटेल सीबीआयच्या मुख्यालयात

गेले होते. दरम्यान, या प्रकरणी तलवार याच्याशी संबंध असल्याच्या संशयावरून अंमलबजावणी संचनालयाने (ईडी) या पूर्वीच पटेल यांची ही चौकशी केली आहे.