साखरेच्या साठा मर्यादेला मुदतवाढ

नवी दिल्ली : व्यापाऱ्यांना साखरेच्या साठ्यावर घालण्यात आलेली मर्यादा सहा महिन्यांनी वाढविण्याचा निर्णय केंद्र सरकारने घेतला आहे. पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत हा निर्णय घेण्यात आला. त्यानुसार साखरेच्या साठ्यावरील मर्यादा ऑक्टोबरपर्यंत राहणार आहे.

सध्या देशात साखरेचे दर ४२ ते ४४ रुपये प्रतिकिलो आहेत. साठेबाजी होऊन साखरेच्या दरांत वाढ होऊ नये, यासाठी सरकारने हे पाऊल उचलले आहे. केंद्र सरकारच्या सध्याच्या साखरेसंदर्भातील आदेशाची मुदत २९ एप्रिलपासून २८ ऑक्टोबरपर्यंत वाढवण्यात आली आहे, असे सरकारी पत्रकात म्हटले आहे.